തിരുവനന്തപുരം : സംസ്ഥാനത്ത് ഗ്രീന് സോണില് ഉടനെ പൊതുഗതാഗതം തുടങ്ങേണ്ടെന്ന് മുഖ്യമന്ത്രി വിളിച്ചു ചേര്ത്ത ഉന്നതതല യോഗത്തില് തീരുമാനം. ഗ്രീന് സോണുകളില് ജില്ലയ്ക്കകത്ത് പൊതുഗതാഗതം അനുവദിക്കാം എന്ന കേന്ദ്രത്തിന്റെ ഇളവ് വേണ്ടെന്നുവെക്കാനാണ് തീരുമാനം.
സംസ്ഥാനത്ത് മദ്യ കടകള് തുറക്കില്ല. എത്രയൊക്കെ നിയന്ത്രണം വെച്ചാലും ആളുകള് മദ്യക്കടകളിലെത്തുകയും ആള്ക്കൂട്ടം ഉണ്ടാവുകയും ചെയ്യുമെന്ന് യോഗത്തില് മുഖ്യമന്ത്രി പറഞ്ഞു. ഏതെങ്കിലും വിധത്തില് രോഗവ്യാപനത്തിന്റെ തോത് വര്ധിച്ചാല് അത് തിരക്കിട്ട് മദ്യഷോപ്പുകള് തുറന്നതു മൂലമാണെന്ന ആരോപണം ഉണ്ടാവുമെന്നും മുഖ്യമന്ത്രി ചൂണ്ടിക്കാട്ടി.
ഇന്നലെയാണ് കോവിഡ് വ്യാപനം തടയുന്നതിന് പ്രഖ്യാപിച്ച ലോക്ക്ഡൗണ് മെയ് 17 വരെ നീട്ടാന് കേന്ദ്രസര്ക്കാര് തീരുമാനിച്ചത്. ഇതിന്റെ ഭാഗമായി പുറപ്പെടുവിച്ച മാര്ഗനിര്ദേശത്തില് ഗ്രീന്, ഓറഞ്ചു സോണുകളില് മദ്യക്കടകള് തുറക്കാന് അനുമതി നല്കിയിട്ടുണ്ട്. സംസ്ഥാനങ്ങള്ക്ക് അവിടത്തെ സ്ഥിതിവിശേഷങ്ങള് അനുസരിച്ച് തീരുമാനം എടുക്കാമെന്നും മാര്ഗനിര്ദേശത്തില് പറയുന്നു. ഇതിന്റെ അടിസ്ഥാനത്തിലാണ് ഇന്ന് ഉന്നതതലയോഗം ചേർന്നത് .
സംസ്ഥാനത്തെ മൂന്ന് മേഖലകളായി തിരിക്കും. ഓറഞ്ച്, ഗ്രീന് സോണുകളില് ഇ കൊമേഴ്സ് വഴി എല്ലാ സാധനങ്ങളും വില്ക്കാന് അനുമതി നല്കും. ഓറഞ്ച്, ഗ്രീന് സോണുകളില് ബാര്ബര് ഷോപ്പുകളും ബ്യൂട്ടി പാര്ലറുകളും തുറക്കും. ഇളവുകള് എങ്ങനെയൊക്കെയാണ് എന്ന് വൈകുന്നേരം അഞ്ചുമണിക്ക് മുഖ്യമന്ത്രി പ്രഖ്യാപിക്കും.
The post ഗ്രീൻ സോണുകളിൽ പൊതുഗതാഗതം ഉടനില്ല ; പുതിയമാറ്റങ്ങൾ വൈകിട്ട് മുഖ്യമന്ത്രി പ്രഖ്യാപിക്കും appeared first on Pathanamthitta Media.
