ഡല്ഹി : കൊറോണ പ്രതിരോധവുമായി ബന്ധപ്പെട്ട് കേന്ദ്ര സര്ക്കാര് മെയ് നാലിന് പുറപ്പെടുവിച്ച മൂന്നാംഘട്ട ലോക്ക്ഡൗണ് ഇന്ന് അവസാനിക്കും. നാലാംഘട്ട ലോക്ക്ഡൗണിന്റെ മാര്ഗ നിര്ദ്ദേശങ്ങള് ഇന്ന് പുറത്തിറക്കും. നാലാംഘട്ട ലോക്ക്ഡൗണിന്റെ മാര്ഗ നിര്ദ്ദേശത്തിന് ആഭ്യന്തര മന്ത്രാലയം ഇന്നലെ അന്തിമ രൂപം നല്കി.
നാലാംഘട്ട ലോക്ക്ഡൗണില് പൊതുഗതാഗതം ഭാഗികമായി പു:നസ്ഥാപിക്കാനും ഓഫീസുകളില് കൂടുതല് ജീവനക്കാരെ അനുവദിക്കാനും തീരുമാനമുണ്ടായേക്കും. പ്രത്യേക വിമാന സര്വീസുകള് അനുവദിക്കുന്ന കാര്യത്തില് ആലോചന തുടങ്ങിയിട്ടുണ്ട്. മെട്രോ ഭാഗികമായി തുറക്കണമെന്ന് സംസ്ഥാനങ്ങള് ആവശ്യപ്പെട്ടിട്ടുണ്ട്. ഷോപ്പിംഗ് മാളുകളും തിയേറ്ററുകളും ആരാധനാലയങ്ങളും തുറക്കേണ്ടതില്ലെന്നാണ് സംസ്ഥാനങ്ങളുടെ നിലപാട്. അതേസമയം രാജ്യത്തെ 30 നഗരങ്ങളില് കടുത്ത നിയന്ത്രണങ്ങള് തുടരുമെന്നാണ് സൂചന. ഡല്ഹി, മുംബൈ, കൊല്ക്കത്ത അടക്കമുള്ള സ്ഥലങ്ങളിലാണ് കടുത്ത നിയന്ത്രണങ്ങള് ഉണ്ടാവുക. കേന്ദ്രത്തിന്റെ പുതുക്കിയ മാര്ഗ നിര്ദ്ദേശങ്ങള് ഇന്ന് ഉച്ചയോടെ പുറത്ത് വരുമെന്നാണ് സൂചന.