ന്യൂഡല്ഹി : ലോക്ക്ഡൗണ് ജൂണ് 30 വരെ നീട്ടിയെങ്കിലും നിരവധി ഇളവുകളാണ് അഞ്ചാം ഘട്ടത്തില് ഉള്പ്പെടുത്തിയിരിക്കുന്നത്. അഞ്ചാംഘട്ടം ജൂണ് ഒന്നുമുതല് ജൂണ് 30 വരെയാണ്. സംസ്ഥാനത്തിന് ഉള്ളിലുള്ള യാത്രകള്ക്കും അന്തര്സംസ്ഥാന യാത്രകള്ക്കും വിലക്ക് ഉണ്ടായിരിക്കില്ല. ഇത്തരം യാത്രകള്ക്കായി പ്രത്യേക അനുമതിയോ അനുവാദമോ ഇ-പെര്മിറ്റോ ആവശ്യമില്ല. യാത്രകള്ക്കുള്ള ഇളവുകള് കന്റയിന്മെന്റ് സോണുകളില് ബാധകമായിരിക്കില്ല. എന്നാല് സംസ്ഥാനങ്ങള്ക്ക് നിലവിലുള്ള സാഹചര്യം അനുസരിച്ച് നിയന്ത്രണങ്ങള് ഏര്പ്പെടുത്താവുന്നതാണെന്നും ശനിയാഴ്ച പുറത്തിറക്കിയ വാര്ത്താക്കുറിപ്പില് ആഭ്യന്തര മന്ത്രാലയം അറിയിച്ചു.
