തിരുവനന്തപുരം : വടകരയിലും തൃശൂരിലും ബിജെപി-സിപിഎം കൂട്ടുകെട്ടെന്ന് കോണ്ഗ്രസ് നേതാവും തൃശൂര് ലോക്സഭാ മണ്ഡലം സ്ഥാനാര്ഥിയുമായ കെ. മുരളീധരന്. വടകരയില് ബിജെപി ശൈലജ ടീച്ചറെ സഹായിക്കുമെന്നും അവിടെ ബിജെപി സ്ഥാനാര്ഥിയെ കൊണ്ടിട്ടത് തന്നെ ശൈലജ ടീച്ചറെ സഹായിക്കാനാണെന്നും അതിന്റെ പാരിതോഷികം തൃശൂരില് നല്കാമെന്നത് അവരുടെ രഹസ്യ അജണ്ടയാണെന്നും മുരളീധരന് ആരോപിച്ചു.
പാലക്കാട് ഉപതെരഞ്ഞെടുപ്പ് നടക്കില്ലെന്നും തൃശൂരില് സുരേഷ് ഗോപി ജയിക്കുകയും ചെയ്യുമെന്ന കെ.സുരേന്ദ്രന്റെ പ്രസ്താവന ഇതിന് തെളിവാണ്. ഇത് തൃശൂരിലെ സിപിഐക്കാര്ക്ക് ഇപ്പോഴും മനസ്സിലായിട്ടില്ലെന്നും അദ്ദേഹം പറയുന്നു. എന്നാല് ഈ അവിശുദ്ധ കൂട്ടുകെട്ട് തുറന്നു കാണിക്കുമെന്നും തൃശൂരിലും വടകരയിലും യുഡിഎഫ് വിജയിക്കുമെന്നും മുരളീധരന് പറഞ്ഞു.
