തിരുവനന്തപുരം : ഡി.ജി.പി ലോക്നാഥ് ബഹ്റ 2017ല് നടത്തിയ ക്രമവിരുദ്ധ ഇടപാടും സര്ക്കാര് സാധൂകരിച്ചു. അനുമതി ഇല്ലാതെ ഡി.ജി.പി ബാംഗ്ലൂരില് നിന്ന് സ്പെക്ട്രം അനലൈസര് വാങ്ങിയ ഇടപാടാണ് ആഭ്യന്തരവകുപ്പ് സാധൂകരിച്ച് നല്കിയത്.
സ്പെക്ട്രം അനലൈസര് വാങ്ങിയതിലും സ്റ്റോര് പര്ച്ചേസ് മാനുവല് പാലിച്ചില്ല. ബുള്ളറ്റ് പ്രൂഫ് വാഹനം വാങ്ങുന്നതിന് ടെണ്ടര് വിളിച്ച് മാത്രമേ വാഹനങ്ങള് വാങ്ങാവൂ എന്ന സര്ക്കാര് നിര്ദ്ദേശം പാലിക്കാതെയാണ് ഡി.ജി.പി വാഹനങ്ങള് വാങ്ങാന് കരാര് ഒപ്പുവെച്ചത്. ഈ കരാറിന് ആഭ്യന്തര വകുപ്പ് നിയമസാധുത നല്കുകയും ചെയ്തു. ഡി.ജി.പി നടത്തിയ ക്രമവിരുദ്ധ ഇടപാടിന് ആഭ്യന്തര സെക്രട്ടറി തന്നെ അനുമതി നല്കുകയും ചെയ്തു. സ്വാഭാവികമായും ഡി.ജി.പിയുടെ ക്രമവിരുദ്ധ ഇടപാടിന് ആഭ്യന്തര സെക്രട്ടറി കൂട്ടു നിന്നുവെന്നാണ് പ്രതിപക്ഷത്തിന്റെ ആരോപണം.