കോഴിക്കോട് : ലോറിക്ക് പിന്നില് കാറിടിച്ച് അമ്മയും മകളും മരിച്ചു. പേരാമ്പ്ര വാല്യക്കോട് ആണ് അപകടമുണ്ടായത്. നിര്ത്തിയിട്ട ലോറിക്ക് പിന്നില് കാറിടിക്കുകയായിരുന്നു. പേരാമ്പ്ര ടെലഫോണ് എക്ചേഞ്ചിനു സമീപം തെരുവത്ത്പൊയില് കൃഷ്ണകൃപയില് സുരേഷ് ബാബുവിന്റെ ഭാര്യ ശ്രീജ (51)മകള് അഞ്ജലി (24)എന്നിവരാണ് മരിച്ചത്. സുരേഷ് ബാബു ഗുരുതരാവസ്ഥയില് മെഡിക്കല് കോളേജ് ആശുപത്രിയില് ചികിത്സയിലാണ്.
പേരാമ്പ്രയില് നിന്ന് മേപ്പയ്യൂരിലേക്ക് പോകുകയായിരുന്നു സുരേഷും കുടുംബവും. അപകടത്തില് കാറിന്റെ മുന് വശം പൂര്ണമായും തകര്ന്നു. മൂന്നുപേരെയും നാട്ടുകാര് ഉടന് പേരാമ്പ്ര താലൂക്ക് ആശുപത്രിയിലെത്തിച്ചെങ്കിലും ശ്രീജയുടെയും അഞ്ജലിയുടെയും ജീവന് രക്ഷിക്കാനായില്ല. സുരേഷ് ബാബുവിനെ പിന്നീട് മെഡിക്കല് കോളേജിലേക്ക് മാറ്റുകയായിരുന്നു.