എറണാകുളം : ടയര് മാറ്റുന്നതിനിടെ ജാക്കി തെന്നിമാറി ലോറിക്കടിയില് പെട്ട് ഒരാള് മരിച്ചു. തിരുവനന്തപുരം സ്വദേശി മണിയന് ആണ് അപകടത്തില് മരിച്ചത്.
എറണാകുളം കണ്ടെയ്നര് റോഡില് ചേരാനല്ലൂര് സിഗ്നലിന് സമീപമാണ് അപകടം ഉണ്ടായത്. കൊടുങ്ങല്ലൂരില് നിന്ന് ഇടപ്പള്ളിയിലേക്ക് വരികയായിരുന്ന ലോറിയാണ് അപകടത്തില്പെട്ടത്. ലോറിയുടെ ടയര് പഞ്ചറായപ്പോള് അത് നന്നാക്കുന്നതിനിടെയായിരുന്നു അപകടം ഉണ്ടായത്. ടയര് ഭാഗം നെഞ്ചില് തട്ടിയാണ് മരണം സംഭവിച്ചത്. മൃതദേഹം എറണാകുളത്തെ സ്വകാര്യ ആശുപത്രിയില് സൂക്ഷിച്ചിരിക്കുകയാണ്.
