കണ്ണൂര്‍ : ലോട്ടിടറി ടിക്കറ്റിലെ നമ്പർ തിരുത്തി കച്ചവടക്കാരിയില്‍ നിന്ന് പണം തട്ടിയെടുത്ത സംഭവത്തില്‍ ഒരാള്‍ അറസ്റ്റിലായി . കണ്ണൂരിലെ കൊട്ടിയൂര്‍ അമ്പായത്തോട് തൊണ്ണമാക്കില്‍ തോമസ് എന്നയാളെയാണ് മാനന്തവാടി പൊലീസ് പിടികൂടിയത്. മാനന്തവാടി സെന്റ് ജോസഫ് ആശുപത്രി റോഡിലെ ലോട്ടറി വില്‍പനക്കാരി ബിന്ദുവിനെ പറ്റിച്ച്‌ 5,000 രൂപ കൈക്കലാക്കിയ കേസിലാണ് അറസ്റ്റ് .
കഴിഞ്ഞ ആറാം തീയതിയായിരുന്നു സംഭവം. ഫെബ്രുവരി 28ന് നറുക്കെടുത്ത ലോട്ടറി ടിക്കറ്റ് തിരുത്തിയാണ് തോമസ് തട്ടിപ്പ് നടത്തിയത്. മാനന്തവാടി സിഐ എം.എം അബ്ദുല്‍ കരീമിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. സമീപത്തെ സിസിടിവി ക്യാമറയിലെ ദൃശ്യങ്ങള്‍ പരിശോധിച്ച ശേഷം അറസ്റ്റ് ചെയ്യുകയായിരുന്നു . ഇയാളെ കോടതിയില്‍ ഹാജരാക്കി റിമന്‍ഡ് ചെയ്തു.
