മുംബൈ : പ്രണയാഭ്യര്‍ഥന നിരസിച്ചതിനെ തുടര്‍ന്ന് 21 കാരിക്ക് സെക്സ് ടോയ്സ് അയച്ചുകൊടുക്കുകയും ഫോണ്‍ നമ്പര്‍ പോണ്‍ സൈറ്റുകളില്‍ പ്രസിദ്ധീകരിക്കുകയും ചെയ്ത യുവാവിനെ അറസ്സ് ചെയ്‌തു. മാസങ്ങള്‍ നീണ്ട അന്വേഷണത്തിനൊടുവിലാണ് പ്രതി കുനാല്‍ അങ്കോല്‍ക്കറിനെ മുംബൈയില്‍ വെച്ച്‌ പോലീസ് അറസ്റ്റ് ചെയ്തത്.
വിദ്യാര്‍ഥിനിക്ക് കുനാല്‍ ഇ-കോമേഴ്സ് സൈറ്റുകള്‍ വഴിയാണ് സെക്സ് ടോയ്സ് അയച്ചുകൊണ്ടിരുന്നത്. ക്യാഷ് ഓണ്‍ ഡെലിവറി സംവിധാനത്തിലാണ് കുനാല്‍ പ്രൊഡക്ടുകള്‍ സൈറ്റ് വഴി ഓര്‍ഡര്‍ ചെയ്യുന്നത്. പ്രണയാഭ്യര്‍ഥന നിരസിച്ചതിന് പിന്നാലെയാണ് ഇത് തുടങ്ങിയതെന്ന് പോലീസ് ചൂണ്ടിക്കാട്ടി.
വീട്ടിലേക്ക് ഇത്തരം ഉപകരണം അയക്കുന്നത് സംബന്ധിച്ച്‌ പെണ്‍കുട്ടി ഫെബ്രുവരിയില്‍ മലാദ് പോലീസ് സ്റ്റേഷനില്‍ പരാതി നല്‍കിയിരുന്നു. സൈബര്‍ കുറ്റകൃത്യമായതിനാല്‍ കേസ് മുംബൈ പോലീസിന്‍റെ സൈബര്‍ സെല്ലിന് കൈമാറുകയായിരുന്നു.
ആദ്യം കൊറിയര്‍ കമ്പനികള്‍ മുഖേന പോലീസ് പ്രതിയെ അന്വേഷിച്ചെങ്കിലൂം ഒരിടത്തും ഇയാള്‍ പേര് വെച്ചിരുന്നില്ല. ശേഷം വി.പി.എന്‍ വിവരങ്ങള്‍ ആരാഞ്ഞു. ഒരോ തവണയും വെവ്വേറെ ഐ.പി അഡ്രസിലാണ് ഇയാള്‍ സാധനങ്ങള്‍ ഓര്‍ഡര്‍ ചെയ്തിരുന്നത്. പ്രദേശത്തെ 500 ലധികം സേവനദാതാക്കളെ പോലീസ് പരിശോധനക്ക് വിധേയമാക്കി. ഒടുവില്‍ സാങ്കേതിക വിദഗ്ധന്‍മാരുടെയും ഇന്‍റലിജന്‍സിന്‍റെയും സഹായത്തോടെയാണ് സൈബര്‍ സെല്‍ കുനാലിനെ കുടുക്കിയത് .
