കാരക്കാമല: കോണ്വെന്റിലെ വിവേചനങ്ങള്ക്കെതിരെ സിസ്റ്റര് ലൂസി കളപ്പുര തുടങ്ങിയ സത്യാഗ്രഹ സമരം തുടരുന്നു. വെള്ളമുണ്ട പോലീസ് മദര് സൂപ്പീരിയറുമായി ചര്ച്ച നടത്തിയെങ്കിലും പരിഹാരം കണ്ടെത്താനായില്ല. സിസ്റ്റര് ലൂസി കളപ്പുര കാരാക്കാമല എഫ്സിസി മഠത്തിന് മുന്നില് സത്യാഗ്രഹമിരിക്കാന് തുടങ്ങിയിട്ട് ഇന്നേക്ക് 8 ദിവസങ്ങള് പിന്നിടുകയാണ്. മഠത്തില് നിന്ന് തന്നെ പുറത്താക്കാനുള്ള നീക്കങ്ങളിലും വിവേചനങ്ങളിലും പ്രതിഷേധിച്ചാണ് ലൂസി കളപ്പുര സമരം തുടങ്ങിയത്.
മഠത്തില് നിന്ന് ഭക്ഷണം നല്കുന്നില്ലെന്നും താമസിക്കുന്ന മുറിയിലെ വാതിലുകള് തകര്ത്തെന്നുമാണ് പരാതി. വെള്ളമുണ്ട പോലീസ് മഠം അധികൃതരുമായി ചര്ച്ച നടത്തിയെങ്കിലും സിസ്റ്ററുടെ ആവശ്യങ്ങള് അംഗീകരിക്കാന് തയ്യാറായില്ല. മദര് സുപ്പീരിയര് സത്യഗ്രഹസമരം കണ്ടില്ലെന്ന് നടിക്കുകയാണെന്ന് സിസ്റ്റര് ലൂസി കളപ്പുര കുറ്റപ്പെടുത്തി. ഇത് രണ്ടാം തവണയാണ് ലൂസി കളപ്പുര മഠത്തിന് മുന്നില് സത്യാഗ്രഹമിരിക്കുന്നത്. സഭയില് നിന്ന് പുറത്താക്കിയതിനെതിരെ സിസ്റ്റര് നല്കിയ ഹര്ജിയില് അന്തിമ വിധി വരുന്നത് വരെ മഠത്തില് തുടരാമെന്ന് മാനന്തവാടി മുന്സിഫ് കോടതിയുടെ ഉത്തരവുണ്ട്.
