കോഴിക്കോട് : ഗള്ഫ് നാടുകളില് കുടുങ്ങിയവരെ തിരിച്ചെത്തിക്കാന് ഇടപെടണമെന്നാവശ്യപ്പെട്ട് എം. കെ രാഘവന് എംപി സുപ്രീംകോടതിയില് ഹര്ജി സമര്പ്പിച്ചു. സന്ദര്ശക വിസയിലും ടൂറിസ്റ്റ് വിസയിലുമായി ഗള്ഫ് നാടുകളില് നിരവധി ആളുകള് കുടുങ്ങി കിടപ്പുണ്ട്. സ്വന്തം ചെലവില് നാട്ടിലേക്ക് തിരിച്ചുവരാന് ആഗ്രഹിക്കുന്നവര്ക്ക് അതിനുള്ള സൗകര്യം ഉറപ്പാക്കണമെന്ന് എംപി പറഞ്ഞു. രോഗം ബാധിച്ചവര്ക്ക് ചികിത്സയും മരുന്നും അവശ്യ സേവനങ്ങളും ഉറപ്പാക്കണമെന്നും അദ്ദേഹം പറഞ്ഞു.
എന്നാല് പ്രവാസികളെ കൂട്ടത്തോടെ നാട്ടിലെത്തിക്കുന്നതില് ഹൈക്കോടതി ആശങ്ക അറിയിച്ചിരുന്നു. പ്രവാസികളെ തിരികെ എത്തിച്ചാല് എവിടെ പാര്പ്പിക്കുമെന്നും പ്രവാസികള് കൂട്ടത്തോടെ വന്നാല് ക്രമസമാധാന പ്രശ്നം വരെ ഉണ്ടാകാമെന്നും ഹര്ജി പരിഗണിക്കവേ ഹൈക്കോടതി ചൂണ്ടിക്കാട്ടിയിരുന്നു. വിഷയത്തില് കേന്ദ്രസര്ക്കാരിന്റെ നിലപാടു കൂടി അറിയണമെന്ന് കോടതി വ്യക്തമാക്കി.
