അട്ടപ്പാടി : ആള്ക്കൂട്ട ആക്രമണത്തിന് ഇരയായി കൊല്ലപ്പെട്ട മധു കേസിലെ വിചാരണ നിര്ത്തിവെക്കണമെന്നാവശ്യപ്പെട്ട് കുടുംബം ഇന്ന് ഹൈക്കോടതിയില് ഹര്ജി നല്കും. സ്പെഷ്യല് പബ്ലിക് പ്രോസിക്യൂട്ടറെ മാറ്റും വരെ വിചാരണ നിര്ത്തിവെക്കണമെന്നാണ് കുടുംബത്തിന്റെ ആവശ്യം. മധുവിന്റെ അമ്മയാണ് ഹൈക്കോടതിയില് ഹര്ജി സമര്പ്പിക്കുക.
ഏറെ വിവാദങ്ങള്ക്ക് ശേഷം നിയമിച്ച സ്പെഷ്യല് പബ്ലിക് പ്രോസിക്യൂട്ടറായ സി.രാജേന്ദ്രന് കോടതിയില് നല്ല രീതിയില് കാര്യങ്ങള് അവതരിപ്പിക്കുന്നില്ലെന്നാണ് കുടുംബത്തിന്റെ പരാതി. രണ്ട് സാക്ഷികള് കൂറുമാറിയതില് കുടുംബത്തിന് വലിയ ആശങ്കയുണ്ട്. ഈ സാഹചര്യത്തിലാണ് വിചാരണ നിര്ത്തിവെക്കണമെന്നാവശ്യപ്പെട്ട് മധുവിന്റെ കുടുംബം ഹൈക്കോടതിയെ സമീപിക്കുന്നത്.