മുംബൈ: പ്രായപൂര്ത്തിയാകാത്ത പെണ്കുട്ടിയെ ബലാത്സംഗം ചെയ്തെന്ന കേസില് മഹാരാഷ്ട്രയിലെ നവി മുംബൈയില് നിന്നുള്ള 24 കാരനെ പ്രത്യേക കോടതി കുറ്റവിമുക്തനാക്കി. 17 കാരിയെ പീഡിപ്പിച്ച കേസിലാണ് യുവാവിനെ വെറുതെ വിട്ടത്. പെണ്കുട്ടി പ്രായപൂര്ത്തിയായില്ലെന്ന് പ്രോസിക്യൂഷന് തെളിയിക്കാനായിട്ടില്ലെന്നും ഉഭയസമ്മതപ്രകാരമുള്ള ലൈംഗികബന്ധമായിരുന്നെന്നും കോടതി വിലയിരുത്തി. സ്പെഷ്യല് കോടതി ജഡ്ജി വിവി വിര്കര് ആണ് കേസില് വിധി പറഞ്ഞത്.
2014ല് അയല്വാസിയായ യുവാവ് പ്രായപൂര്ത്തിയാകാത്ത പെണ്കുട്ടിയെ വിവാഹ വാഗ്ദാനം നല്കി പീഡിപ്പിച്ചെന്നായിരുന്നു കേസ്. കുട്ടിയുടെ അമ്മയുടെ പരാതിയിലായിരുന്നു യുവാവിനെ പൊലീസ് അറസ്റ്റ് ചെയ്തത്. പെണ്കുട്ടിയുടെ മൊഴിയില് ബലപ്രയോഗത്തെക്കുറിച്ച് പരാമര്ശമില്ല. പെണ്കുട്ടിക്ക് 18 വയസ്സില് താഴെയില്ലെന്ന് തെളിയിക്കപ്പെടാത്തതിനാല് തട്ടിക്കൊണ്ടുപോകല് കുറ്റം ചുമത്താനാവില്ലെന്ന് കോടതി പറഞ്ഞു.
