തൃശ്ശൂരില്‍ ആനയെ ഉപദ്രവിച്ച ഒന്നാം പാപ്പാന്‍ അറസ്റ്റില്‍

തൃശ്ശൂര്‍: തൃശൂരില്‍ ആനയെ ഉപദ്രവിച്ച പാപ്പാന്‍ അറസ്റ്റില്‍. പാമ്പാടി സുന്ദരന്‍ എന്ന നാട്ടാനയെ ഉപദ്രവിച്ച ഒന്നാം പാപ്പാന്‍ കണ്ണനെയാണ് പോലീസ് അറസ്റ്റ് ചെയ്തത്. തൊട്ടിപ്പാള്‍ മഹാവിഷ്ണു ക്ഷേത്രത്തില്‍ വെച്ചാണ് സംഭവം. ഫോട്ടോയ്ക്ക് വേണ്ടി തലയുയര്‍ത്തി നില്‍ക്കാന്‍ ആനയോട് ആവശ്യപ്പെടുകയും അത് ചെയ്യാതെ വന്നപ്പോള്‍ വടിയെടുത്ത് അടിക്കുകയുമാണ് പാപ്പാന്‍ ചെയ്തത്. വന്യജീവി സംരക്ഷണ നിയമ പ്രകാരമാണ് ചാലക്കുടി സോഷ്യല്‍ ഫോറസ്ട്രി റേഞ്ചില്‍ കേസ് എടുത്തത്.