ശബരിമല: ആശ്രിതവത്സലനായ അയ്യനെ കാണാന് കൂപ്പുകൈകളും ശരണംവിളികളുമായി കാത്തുനിന്ന ആയിരക്കണക്കിന് അയ്യപ്പന്മാര്ക്ക് ദര്ശനപുണ്യം. ഇന്ന് (ഡിസംബര് 30)വൈകീട്ട് അഞ്ചിന് തന്ത്രി കണ്ഠരര് രാജീവര് നട തുറന്നപ്പോള് സന്നിധാനം ശരണമന്ത്രങ്ങളാല് മുഖരിതമായി. മാളികപ്പുറം മേല്ശാന്തി ഹരിഹരന് നമ്പൂതിരി ശബരീശന്റെ തിരുവിഗ്രഹത്തില് ചാര്ത്തിയ വിഭൂതിയും മാളികപ്പുറം തിരുനടയുടെ താക്കോലും ഏറ്റുവാങ്ങി ഗണപതിയെയും നാഗരാജാവിനെയും തൊഴുത് മാളികപ്പുറം ശ്രീകോവില് നടതുറന്നു. മേല്ശാന്തിയുടെ ചുമതലയുള്ള തിരുവല്ല കാവുംഭാഗം നാരായണന് നമ്പൂതിരി പതിനെട്ടാം പടിയിറങ്ങി ആഴി തെളിയിച്ചതോടെ ഭക്തരെ പതിനെട്ടാം പടിയിലൂടെ കടത്തിവിട്ടു.
നിലക്കലില് നിന്നും രാവിലെ 10 മണി മുതലാണ് വാഹനങ്ങള് പമ്പയിലേക്ക് കടത്തിവിട്ടത്. 12 മണിയോടെ അയ്യപ്പന്മാര് കാനന പാതയിലൂടെ സന്നിധാനത്തേക്ക് യാത്ര തുടങ്ങി. ഉച്ച മുതല് സന്നിധാനവും പരിസരവും തീര്ത്ഥാടകരുടെ ശരണം വിളികളാല് മുഖരിതമായി. മണിക്കൂറുകളുടെ കാത്തിരിപ്പിനൊടുവില് നട തുന്നപ്പോള് ശരണം വിളികള് ഉച്ഛസ്ഥായിലെത്തി.
ഹൃദയത്തില് അലതല്ലിയ ഭക്തിയുമായി ഒടുവില് പതിനെട്ടാംപടി കയറി ദര്ശന സായൂജ്യം. നട തുറക്കുമ്പോള് എക്സിക്യൂട്ടീവ് ഓഫീസര് എച്ച് കൃഷ്ണകുമാര്, അസിസ്റ്റന്റ് എക്സിക്യുട്ടീവ് ഓഫീസര് എം രവികുമാര്, അഡ്മിനിസ്ട്രേറ്റീവ് ഓഫീസര് പി എസ് ശാന്തകുമാര് എന്നിവരുമുണ്ടായിരുന്നു. മകരവിളക്ക് തീര്ഥാടന കാലത്തെ പൂജകള് 31ന് പുലര്ച്ചെ മൂന്ന് മണിക്ക് നിര്മാല്യത്തിനു ശേഷം തുടങ്ങും. ജനുവരി 14നാണ് മകരവിളക്ക്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
