മലപ്പുറം : കൊവിഡ് ആശങ്കകള് നിലനില്ക്കുമ്പോള് ജില്ലയില് തുറന്നു പ്രവര്ത്തിക്കുന്ന വ്യാപാര സ്ഥാപനങ്ങളിലെല്ലാം സാമൂഹിക അകലവും മാസ്ക് ഉപയോഗവും കര്ശനമായി പാലിക്കണമെന്ന് ജില്ലാ കലക്ടര് ജാഫര് മലിക്. മാംസ, മത്സ്യ വില്പന കേന്ദ്രങ്ങള് ഉള്പ്പെടെയുള്ള വ്യാപാര സ്ഥാപനങ്ങള്ക്കു മുന്നില് സാധനങ്ങള് വാങ്ങാനെത്തുന്നവരുടെ അകലം ഉറപ്പാക്കാന് ഒരു മീറ്റര് വ്യത്യാസത്തില് നില്ക്കേണ്ട സ്ഥാനങ്ങള് അടയാളപ്പെടുത്തണം. വ്യാപാരികളും ഉപഭോക്താക്കളും നിര്ബന്ധമായും മാസ്ക്ക് ധരിക്കണം.
ജില്ലയില് തുറന്നു പ്രവര്ത്തിക്കുന്ന സ്ഥാപനങ്ങളില് ആരോഗ്യ ജാഗ്രത പാലിക്കുന്നില്ലെന്നത് ശ്രദ്ധയില്പ്പെട്ടിട്ടുണ്ട്. ഇത്തരം സ്ഥാപനങ്ങള്ക്കും ജാഗ്രതാ നിര്ദേശം ലംഘിക്കുന്ന വ്യക്തികള്ക്കുമെതിരെ കര്ശന നിയമ നടപടികള് സ്വീകരിക്കുമെന്ന് ജില്ലാ പോലീസ് മേധാവി യു. അബ്ദുള് കരീം അറിയിച്ചു. നഗരങ്ങളിലും ഗ്രാമ പ്രദേശങ്ങളിലും വ്യാപാര സ്ഥാപനങ്ങള് കേന്ദ്രീകരിച്ച് പോലീസ് പരിശോധന ശക്തമാക്കിയിട്ടുണ്ടെന്നും ജില്ലാ പോലീസ് മേധാവി വ്യക്തമാക്കി.