പാലക്കാട് : മലയാളി വിദ്യാര്ത്ഥികള്ക്ക് നേരെ ക്രൂരമര്ദ്ദനം. കോയമ്പത്തൂരിലെ സ്വകാര്യ കോളജില് പഠിക്കുന്ന വിദ്യാര്ത്ഥികള്ക്കാണ് മര്ദ്ദനമേറ്റത്. ഒരു കൂട്ടം ആളുകള് ബസിലേക്ക് കയറി വന്ന് വിദ്യാര്ത്ഥികളെ മര്ദ്ദിക്കുകയായിരുന്നു. ഇന്നലെ ഉച്ച കഴിഞ്ഞാണ് സംഭവം. പാലക്കാട് പുതുശ്ശേരിയില് ബസ് തടഞ്ഞായിരുന്നു ആക്രമണം. ഇതിന്റെ ദൃശ്യങ്ങളും പുറത്തുവന്നിട്ടുണ്ട്. പുറത്തുനിന്ന് ബസില് കയറി വന്ന ആളുകള് മലയാളി കുട്ടികളെ ലക്ഷ്യം വെച്ചാണ് ആക്രമണം നടത്തിയത്.
ഇവരുടെ മുഖം ദൃശ്യങ്ങളില് വ്യക്തമാണ്. റാഗിംഗുമായി ബന്ധപ്പെട്ട് വിദ്യാര്ത്ഥികള് തമ്മിലുള്ള തര്ക്കത്തില് പുറത്തുള്ളവര് ഇടപെടുകയായിരുന്നു എന്നാണ് വിവരം. കോളേജിലെ വിദ്യാര്ത്ഥികള് ഉള്പ്പെടെ കണ്ടാലറിയാവുന്ന പത്തോളം പേര്ക്കെതിരെ കേസെടുത്തിട്ടുണ്ട്.
