ന്യൂഡല്‍ഹി: നാല് ദിവസത്തെ ഔദ്യോഗിക സന്ദര്‍ശനത്തിന് ഇന്ത്യയിലെത്തിയ മാലദ്വീപ് പ്രസിഡന്റ് മുഹമ്മദ് മുയിസു പ്രഥമ വനിത സാജിദ മുഹമ്മദിനൊപ്പം താജ്മഹല്‍ സന്ദര്‍ശിച്ചു. വാക്കുകള്‍ കൊണ്ട് താജ്മഹലിനെ വിശേഷിപ്പിക്കാന്‍ പ്രയാസമാണെന്നും വിസ്മയിപ്പിക്കുന്ന വാസ്തുവിദ്യയാണിതിന്റെയെന്നും മുഹമ്മദ് മുയിസു സന്ദര്‍ശക പുസ്തകത്തില്‍ രേഖപ്പെടുത്തി. ഉത്തര്‍പ്രദേശ് മന്ത്രി യോഗേന്ദ്ര ഉപാധ്യായ ഇരുവരേയും വിമാനത്താവളത്തില്‍ സ്വീകരിച്ചു. താജ്മഹലിന്റെ ചെറിയ മാതൃകയും ഉപാധ്യായ ഇവര്‍ക്ക് സമ്മാനിച്ചു. ഇരുവരും താജ്മഹലിന് മുന്നില്‍ നിന്നുകൊണ്ട് ഫോട്ടോയും എടുത്തു. മുയിസുവിന്റെ സന്ദര്‍ശനം മൂലം രാവിലെ 8 മുതല്‍ 10 വരെ പൊതുജനങ്ങള്‍ക്ക് പ്രവേശനം ഉണ്ടായിരുന്നില്ല. കരകൗശല ഗ്രാമമായ ശില്‍പ്പ്ഗ്രാമവും അതിനു ശേഷം ഇരുവരും സന്ദര്‍ശിച്ചു. തിങ്കളാഴ്ച ഇന്ത്യയിലെത്തിയ മുയിസു ഇരുരാജ്യങ്ങളും തമ്മിലുള്ള ഉഭയകക്ഷി ബന്ധം ശക്തിപ്പെടുത്തുന്നതിന്റെ ഭാഗമായി കറന്‍സി വിനിമയ കരാറിലും ഒപ്പുവെച്ചിരുന്നു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
