കോട്ടയം : കൊറോണ രോഗികളെ ശുശ്രൂഷിച്ച നാല് പുരുഷ നേഴ്സുമാരെ വാടകവീട്ടില് നിന്ന് പുറത്താക്കി. ഇന്നലെ രാത്രിയില് കോട്ടയം കസ്തൂര്ബ ജംഗ്ഷനു സമീപമുള്ള വാടകവീട്ടില് നിന്നുമാണ് ഇവരെ ഇറക്കിവിട്ടത്.
നാലു നേഴ്സുമാര് ഒരുമിച്ചായിരുന്നു ഈ വീട്ടില് താമസിച്ചിരുന്നത്. സംഭവത്തെതുടര്ന്നു കോട്ടയം മെഡിക്കല് കോളജ് ആശുപത്രി അധികൃതര് നേഴ്സുമാര്ക്ക് പേ വാര്ഡിനു മുകളിലത്തെ നില താമസസൗകര്യത്തിനായി ഒരുക്കി നല്കിയിട്ടുണ്ട്. വാടക വീട്ടില് നിന്നും നേഴ്സുമാരെ ഇറക്കിവിട്ട സംഭവം സര്ക്കാരിനെ അറിയിക്കുമെന്ന് ആശുപത്രി അധികൃതര് അറിയിച്ചു.
