മല്ലപ്പള്ളി : കോട്ടാങ്ങൽ പഞ്ചായത്തിന്റെ വിവിധ മേഖലകളിൽ വ്യാജ മദ്യ കച്ചവടം വ്യാപകമാകുന്നു. ബെവ്കോ ആപ്പിന്റെ മറവിലും ബാറിൽ നിന്നും ബെവ്കോ ഔട്ട് ലെറ്റില് നിന്നും കിട്ടുന്ന മദ്യത്തിൽ മായം ചേർത്തുമാണ് വ്യാജമദ്യ വിൽപ്പന നടത്തുന്നത്. വായ്പൂര് ബസ്റ്റാൻഡ്, ആനപ്പാറ, കാട്ടുകുളം, വൈക്കം ജംഗ്ഷൻ, സുനാമിമട, ശാസ്താം കോവിൽ എന്നീ ഇടങ്ങളിലാണ് വിൽപ്പന നടക്കുന്നത്. ടൂ-വീലറിൽ കൊണ്ടുവന്നാണ് വിൽപന, നിരവധി തവണ അധികാരികളുടെ ശ്രദ്ധയിൽപ്പെടുത്തിയിട്ടുണ്ടെങ്കിലും യാതൊരു നടപടിയുമെടുത്തിട്ടില്ല. ഇതോടൊപ്പം കഞ്ചാവ്, ഹാൻസ് തുടങ്ങിയവയുടെ വിൽപനയും നടക്കുന്നു. കൊവിഡ് മാനദണ്ഡങ്ങൾ പാലിക്കാതെ ആളുകൾ കൂട്ടം കൂടി നിൽക്കുന്നതും പതിവാണ്.
