മല്ലപ്പള്ളി: മല്ലപ്പള്ളി ബ്ലോക്ക് പഞ്ചായത്തിന്റെ 2024 -2025 -ാo വാർഷിക പദ്ധതിയിൽ ഉൾപ്പെടുത്തി 34 ലക്ഷം രൂപ ചെലവിൽ നവീകരിച്ച മീറ്റിംഗ് ഹാളിന്റെയും ട്രെയിനിംഗ് ഹാളിന്റെയും ഉദ്ഘാടനവും പട്ടികജാതി കുട്ടികൾക്ക് വേണ്ടി 30 ലക്ഷം രൂപ 2024- 2025 വാർഷിക പദ്ധതിയിൽ ഉൾപ്പെടുത്തി പൂർത്തീകരിച്ച 12 പഠന മുറികളുടെ താക്കോൽദാനവും നടത്തി. അഡ്വ. മാത്യു ടി തോമസ് എം എൽ എ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡൻറ് ബാബു കൂടത്തിൽ അധ്യക്ഷത വഹിച്ചു.
മല്ലപ്പള്ളി ഗ്രാമപഞ്ചായത്ത് പ്രസിഡൻറ് വിദ്യാമോൾ എസ്, ബ്ലോക്ക് പഞ്ചായത്ത് വൈസ് പ്രസിഡൻറ് ആനി രാജു, ആരോഗ്യ വിദ്യാഭ്യാസ സ്റ്റാൻഡിംഗ്കമ്മിറ്റി ചെയർമാൻ സി എൻ മോഹനൻ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജ്ഞാനമണി മോഹനൻ, ബ്ലോക്ക് പഞ്ചായത്ത് അംഗങ്ങളായ സിന്ധു സുബാഷ്, ജോസഫ് ജോൺ, ഈപ്പൻ വർഗീസ്, അമ്പിളി പ്രസാദ്, ആസൂത്രണ സമിതി ഉപാധ്യക്ഷൻ പ്രൊഫ. ജേക്കബ് ജോർജ്, ആസൂത്രണ സമിതി അംഗം അലക്സ് കണ്ണമല, അസിസ്റ്റൻറ് എക്സിക്യൂട്ടീവ് എൻജിനീയർ സുജ വി, എസ് സി ഡി ഒ മഞ്ജു കെ ആർ, മല്ലപ്പള്ളി താലൂക്ക് ആശുപത്രി സൂപ്രണ്ട് ഡോ. സിനീഷ് പി ജോയ്, അസിസ്റ്റൻറ് എൻജിനീയർ മെറിൻ പി രാജു, ഡി ഇ ഒ അർച്ചന, ബ്ലോക്ക് പഞ്ചായത്ത് സെക്രട്ടറി രഞ്ജിത്ത് വി, എന്നിവർ പ്രസംഗിച്ചു
