മല്ലപ്പള്ളി : ക്ഷേത്രപ്രവേശന വിളംബര സ്മാരക ശ്രീ ചിത്തിര തിരുനാൾ സാംസ്കാരിക സമിതിയും മല്ലപ്പള്ളി പ്രസ് ക്ലബും ചേർന്ന് നടത്തിയ യോഗം മല്ലപ്പള്ളി പഞ്ചായത്ത് പ്രസിഡന്റ് ഗീത കുര്യാക്കോസ് ഉദ്ഘാടനം ചെയ്തു. സാമൂഹിക പരിഷ്കരണത്തിന്റെ നവ മാതൃക വെട്ടിത്തുറന്ന ക്ഷേത്ര പ്രവേശന വിളംബരത്തിന് കേരള ചരിത്രത്തിൽ തിളക്കമാർന്ന സ്ഥാനമുണ്ടെന്ന് പ്രസിഡന്റ് പറഞ്ഞു.
വിളംബരത്തിന്റെ എൺപത്തഞ്ചാം വാർഷിക ഭാഗമായിട്ടാണ് പരിപാടി നടത്തിയത്. പ്രസ് ക്ലബ് പ്രസിഡന്റ് റെജി ശാമുവേൽ അധ്യക്ഷത വഹിച്ചു. സമിതി വൈസ് ചെയർമാൻ പ്രൊഫ. ജേക്കബ് എം. എബ്രഹാം, കൺവീനർ എബി മേക്കരിങ്ങാട്ട്, അനു കുറിയന്നൂർ, സതീഷ് മല്ലപ്പള്ളി, രാജീവ് ഫൈനാർട്സ് തുടങ്ങിയവർ പ്രസംഗിച്ചു.
