ദില്ലി: മമത ബാനര്ജിയുമായി കൂടിക്കാഴ്ച നടത്താന് ബീഹാര് മുഖ്യമന്ത്രി നിതീഷ് കുമാര്. ചൊവ്വാഴ്ച ബംഗാള് മുഖ്യമന്ത്രിയുമായി നിതീഷ് കുമാര് കൊല്ക്കത്തയിലെത്തി മമതയെ കണ്ട് കൂടിക്കാഴ്ച നടത്തും. ലോക്സഭാ തെരഞ്ഞെടുപ്പ് ലക്ഷ്യമിട്ട് വിവിധ പാര്ട്ടികളുമായി ചര്ച്ച നടത്താന് നിതീഷ് കുമാര് കോണ്ഗ്രസ് അധ്യക്ഷന് മല്ലികാര്ജുന് ഖാര്ഗയുമായി നടത്തിയ ചര്ച്ചയില് തീരുമാനിച്ചിരുന്നു.
കോണ്ഗ്രസുമായി അടുത്ത അടുപ്പം പുലര്ത്താത്ത പാര്ട്ടികളെ നിതീഷ് കുമാറിലൂടെ പ്രതിപക്ഷ കൂട്ടായ്മയുടെ ഭാഗമാക്കാമെന്നാണ് കോണ്ഗ്രസ് കണക്കുകൂട്ടല്. യുപിഎ അദ്ധ്യക്ഷ സ്ഥാനത്ത് സോണിയ ഗാന്ധി തുടര്ന്നു കൊണ്ട് കണ്വീനര് സ്ഥാനം നിതീഷിന് നല്കുകയെന്നൊരു അഭിപ്രായം കോണ്ഗ്രസില് ഉയര്ന്നിട്ടുണ്ട്. ഇതിന്റെ ഭാഗമായി ദില്ലിയില് ഇടതു പാര്ട്ടി നേതാക്കളുമായി നിതീഷ് കുമാര് കഴിഞ്ഞ ദിവസം കൂടിക്കാഴ്ച നടത്തിയിരുന്നു.
