ഭോപ്പാൽ : മദ്യപിക്കാൻ പണം നൽകാൻ വിസമ്മതിച്ചതിനെത്തുടർന്നു പങ്കാളിയായ സ്ത്രീയുടെ മൂക്ക് ചെത്തിയെടുത്ത യുവാവ് അറസ്റ്റിൽ. മധ്യപ്രദേശിലെ ഭോപ്പാലിലാണ് സംഭവം. 40കാരനായ ലവ് കുഷ് പട്ടേൽ ആണ് അറസ്റ്റിലായത്. 35കാരിയായ സോനുവിന്റെ മൂക്കാണ് ഇയാൾ ചെത്തിയെടുത്തത്. കഴിഞ്ഞ രണ്ട് വർഷമായി സോനുവിനൊപ്പം പട്ടേൽ താമസിച്ചു വരികയായിരുന്നു.
ശനിയാഴ്ച രാവിലെ മദ്യം വാങ്ങാൻ സോനുവിനോട് പട്ടേൽ 400 രൂപ ചോദിച്ചു. എന്നാൽ സോനു പണം നൽകാൻ തയാറായില്ല. ഇതേത്തുടർന്നാണ് പട്ടേൽ സോനുവിന്റെ മൂക്ക് ചെത്തിയെടുത്തത്. സോനുവിന്റെ കരച്ചിൽ കേട്ട് എത്തിയ അയൽക്കാർ അവരെ ആശുപത്രിയിലാക്കി. സംഭവശേഷം ഒളിവിൽ പോയ പട്ടേലിനെ പോലീസ് പിടികൂടി.
