കോഴിക്കോട് : ബാലുശ്ശേരിക്ക് സമീപം തലയാട് വീടിന്റെ ടെറസിൽ കഞ്ചാവ് ചെടികൾ വളർത്തിയ യുവാവ് അറസ്റ്റിൽ. തലയാട് സ്വദേശിയായ അഭിനവ് വിജയനെ ആണ് പോലീസ് അറസ്റ്റ് ചെയ്തത്. രഹസ്യവിവരത്തെത്തുടർന്ന് പോലീസ് നടത്തിയ മിന്നൽ പരിശോധനയിൽ യുവാവിന്റെ വീടിന്റെ ടെറസിൽ നിന്ന് പത്തോളം കഞ്ചാവ് ചെടികൾ കണ്ടെടുത്തു. ലഹരി വിരുദ്ധ പ്രവർത്തനങ്ങളുടെ ഭാഗമായി പരിശോധനകൾ കർശനമാക്കിയ സാഹചര്യത്തിലാണ് ഇയാൾ കുടുങ്ങിയത്.
