കോഴിക്കോട്: ശസ്ത്രക്രിയ കഴിഞ്ഞ യുവതിയെ പീഡിപ്പിച്ച കേസില് അറ്റന്ഡര് പിടിയില്. കോഴിക്കോട് മെഡിക്കല് കോളജില് ശസ്ത്രക്രിയയ്ക്ക് വിധേയയായ യുവതിയെ പീഡിപ്പിച്ച കേസില് ഒളിവിലായിരുന്ന അറ്റന്ഡര് ശശീന്ദ്രമനാണ് പിടിയിലായത്. വടകര മയ്യന്നൂര് സ്വദേശി ശശീന്ദ്രനെ കോഴിക്കോട് നഗരത്തില് നിന്നാണ് മെഡിക്കല് കോളജ് പോലീസ് പിടികൂടിയത്. ശനിയാഴ്ചയാണ്് യുവതിയെ പീഡിപ്പിച്ച സംഭവമുണ്ടായത്.
ശനിയാഴ്ചയാണ് യുവതി ശസ്ത്രക്രിയയ്ക്ക് വിധേയയാകുന്നത്. ശസ്ത്രക്രിയ കഴിഞ്ഞ് തിയറ്ററില് നിന്ന് സ്ത്രീകളുടെ സര്ജിക്കല് ഐസിയുവിലേക്ക് മാറ്റിയതിനു പിന്നാലെയാണ് പീഡനം നടന്നത്. ശസ്ത്രക്രിയക്ക് ശേഷം മയക്കം പൂര്ണമായും മാറാത്ത അവസ്ഥയിലായിരുന്ന യുവതി പിന്നീട് ബന്ധുക്കളോട് വിവരം പറയുകയായിരുന്നു. തുടര്ന്ന് മെഡിക്കല് കോളേജ് പോലീസില് പരാതി നല്കുകയായിരുന്നു. പോലീസ് കേസെടുത്തതിനെ തുടര്ന്ന് ഒളിവില് പോയ ഇയാള് തമിഴ്നാട്ടിലേക്ക് കടന്നതായി വിവരം ലഭിച്ചിരുന്നു. തുടര്ന്ന് കോഴിക്കോട്ട് മടങ്ങിയെത്തിയ പ്രതിയെ പിടികൂടുകയായിരുന്നു.
