കായംകുളം : ഉംറ തീര്ത്ഥാടനത്തിന് പുറപ്പെട്ട കായംകുളം സ്വദേശി യാത്രക്കിടെ വിമാനത്തികത്ത് വെച്ച് മരിച്ചു. കായംകുളം പുല്ലുകുളങ്ങര പുളിമുക്ക് ജംഗ്ഷനില് മദീന പാലസില് അഹമ്മദ് കോയയാണ് മരിച്ചത്. സ്വകാര്യ ഗ്രൂപ്പില് ചൊവ്വാഴ്ച രാവിലെ 11 ന് കൊച്ചിയില് നിന്നും കുവൈത്ത് വഴി ഉംറക്കെത്തിയതായിരുന്നു. കുവൈത്തില് നിന്ന് ഇഹ്റാമില് പ്രവേശിച്ച് ജിദ്ദയിലേക്കുള്ള യാത്രയില് വിമാനത്തിനകത്ത് വെച്ചായിരുന്നു മരണം. പിതാവ്: കാസിം കുഞ്ഞ്, മാതാവ്: ഫാത്തിമ, ഭാര്യ: സീനത്ത് ബീവി, മക്കള്:ഇനാസ്, ജാസിം, ഹസീന, ജസീന. വിവരമറിഞ്ഞു ഇദ്ദേഹത്തിന്റെ മകന് ദുബായില് നിന്നും മക്കയിലേക്ക് പുറപ്പെട്ടിട്ടുണ്ട്.
