കല്‍പറ്റ : മാതാവിന്റെ സംസ്കാര ചടങ്ങുകള്‍ കഴിഞ്ഞ് മണിക്കൂറുകള്‍ക്കകം മകനും മരിച്ചു. കോഴിക്കോട് കരിങ്കുറ്റി പൂളക്കൊല്ലി പുത്തന്‍ വീട്ടില്‍ ശശി (50) യാണ് മരിച്ചത്. ശശിയുടെ മാതാവ് കാര്‍ത്യായനി (80) കഴിഞ്ഞ ദിവസം ഉച്ചയോടെയാണ് നിര്യാതയായത്. തുടര്‍ന്ന് വൈകീട്ടോടെ സംസ്കാര ചടങ്ങുകളും പൂര്‍ത്തിയായി. ഇതിനുശേഷം രാത്രിയോടെ ശ്വാസംമുട്ടിനെ തുടര്‍ന്ന് ശശിയെ കല്‍പറ്റ ജനറല്‍ ആശുപത്രിയിലും തുടര്‍ന്ന് കോഴിക്കോട് മെഡിക്കല്‍ കോളേജ് ആശുപത്രിയിലും പ്രവേശിപ്പിക്കുകയായിരുന്നു. ഭാര്യ: രമണി. മക്കള്‍: ശരണ്യ, ശരത്. സഹോദരി: ശ്യാമള. വ്യാഴാഴ്ച വൈകിട്ടോടെയായിരുന്നു ശശിയുടെ മരണം.
