മണ്ണാര്‍ക്കാട് : കുമരംപുത്തൂരില്‍ വീടിന് തീപിടിച്ച്‌ വയോധികന്‍ വെന്തുമരിച്ചു. പയ്യനെടം ബംഗ്ലാവ്പടിയില്‍ മുഹമ്മദാലി എന്ന ബാപ്പുട്ടിയാണ് (72) മരിച്ചത്. പുലര്‍ച്ചെയാണ് അപകടം നടന്നത്. അവിവാഹിതനായ ഇദ്ദേഹം ഒറ്റക്കാണ് വീട്ടില്‍ താമസം. വീട്ടില്‍ നിന്നും പുക ഉയര്‍ന്നപ്പോഴാണ് അപകടം പുറത്തറിയുന്നത്.
വീട്ടില്‍ നിന്നും രാത്രിയില്‍ പുക ഉയരുന്നത് കണ്ട് സമീപത്തെ കെട്ടിടത്തില്‍ താമസിക്കുന്ന തൊഴിലാളികള്‍ ഫയര്‍ഫോഴ്‌സിലും പോലീസിലും വിവരം അറിയിക്കുകയായിരുന്നു.
