കണ്ണൂര്: സ്വകാര്യ ബസില് യുവതിക്കുനേരെ നഗ്നതാ പ്രദര്ശനവും സ്വയംഭോഗവും നടത്തിയത് കാസര്കോട് ചിറ്റാരിക്കാല് സ്വദേശിയാണെന്ന് പോലീസ് സംശയിക്കുന്നു. ഇയാള് ഒളിവിലാണെന്നാണ് സൂചന. സംഭവം പുറത്ത് വന്നയുടന് മുങ്ങിയതാണ്. ഇയാളെ പിടിക്കാനുള്ള ശ്രമത്തിലാണ് പോലീസ്. തനിക്ക് നേരെ നഗ്നത പ്രദര്ശിപ്പിക്കുന്നയാളിന്റെ ദൃശ്യങ്ങള് യുവതി പുറത്ത് വിട്ടതോടെയാണ് ചിറ്റാരിക്കാല് സ്വദേശി മുങ്ങിയത്.
ദൃശ്യങ്ങള് മൊബൈലില് ചിത്രീകരിച്ചാണ് യുവതി പുറത്ത് വിട്ടത്. യാത്രയ്ക്ക് വേണ്ടി ബസ് നിര്ത്തിയിട്ടപ്പോള് യുവതി ഇരുന്ന സീറ്റിന് എതിര്ഭാഗത്ത് വന്നിരുന്ന മധ്യവയസ്കന് നഗ്നതാ പ്രദര്ശനം നടത്തുകയായിരുന്നു. പിന്നീട് യുവതിയെ നോക്കി ഇയാള് പരസ്യമായി സ്വയംഭോഗം ചെയ്തു. മറ്റു ആളുകള് ബസിലേക്ക് കയറാന് തുടങ്ങിയപ്പോള് ഇയാള് ഇറങ്ങിപ്പോയെന്നാണ് വിവരം. യുവതി ദൃശ്യങ്ങള് പുറത്ത് വിട്ടതോടെ സോഷ്യല് മീഡിയയില് അടക്കം വന് പ്രതിഷേധമാണ് വന്നത്.
