തൊടുപുഴ : ഇടുക്കിയില് ഏഴ് വയസുള്ള ചെറുമകനെ പീഡിപ്പിച്ച കേസില് 64 കാരന് 73 വര്ഷം തടവ് ശിക്ഷ വിധിച്ച് കോടതി. ഇടുക്കി അതിവേഗ കോടതി ജഡ്ജി ടി.ജി. വര്ഗീസാണ് കടുത്ത ശിക്ഷ വിധിച്ചത്. കൂടാതെ 1,60,000 രൂപ പിഴയും വിധിച്ചു. കുട്ടിയുടെ പുനരധിവാസത്തിന് പിഴത്തുക നല്കണമെന്ന് കോടതി ഉത്തരവില് പറയുന്നു.
കൂടാതെ അമ്പതിനായിരം രൂപ ഇരകള്ക്കുള്ള നഷ്ടപരിഹാര പദ്ധതിയില് നിന്ന് കുട്ടിയ്ക്ക് നല്കുവാനും ജില്ലാ ലീഗല് സര്വീസ് അതോറിറ്റിയോട് കോടതി നിര്ദേശിച്ചു. 2019-ലാണ് കേസിനാസ്പദമായ സംഭവം. കുട്ടിയുടെ വല്യമ്മയുടെ മൊഴിയിലാണ് കേസെടുത്തിരുന്നത്. പറമ്പില് പണി കഴിഞ്ഞു വരികയായിരുന്ന കുട്ടിയുടെ വല്യമ്മ, കൃത്യം കാണുകയും പരാതി നല്കുകയുമായിരുന്നു.
