വില്ലുപുരം: തമിഴ്നാട്ടില് അച്ഛന്റെ മൃതദേഹത്തെ സാക്ഷിയാക്കി മകന് വിവാഹം കഴിച്ചു. ഡിഎംകെയുടെ പ്രാദേശിക ഘടകങ്ങളിലെ സജീവ പ്രവര്ത്തകനും, സാമൂഹിക പ്രവര്ത്തകനും കൂടിയായ പെരുവാങ്ങൂര് സ്വദേശി രാജേന്ദ്രന്റെ സംസ്കാര ചടങ്ങുകള്ക്കിടെയാണ് സംഭവം. ഇദ്ദേഹത്തിന്റെ മകനായ പ്രവീണിന്റെ വിവാഹമാണ് അച്ഛന്റെ സംസ്കാര ചടങ്ങുകള്ക്കിടെ നടന്നത്. തമിഴ്നാട്ടിലെ കല്ലകറുച്ചിക്കടുത്ത് തിങ്കളാഴ്ച ഉച്ചയ്ക്കാണ് വിവാഹം നടന്നത്
അസുഖബാധിതനായ രാജേന്ദ്രന് തന്റെ അവസാന ആഗ്രഹമെന്ന നിലയില് മകന്റെ വിവാഹം നടന്നു കാണാന് ആഗ്രഹിച്ചിരുന്നു. രാജേന്ദ്രന്റെ അവസാനത്തെ ആഗ്രഹം മകന്റെ വിവാഹം കാണുക എന്നതായിരുന്നു. ഇതേ തുടര്ന്ന് പ്രവീണിന്റെ വിവാഹം മാര്ച്ച് ഇരുപത്തിയേഴിന് കല്ലകറുച്ചിയില് വച്ച് നടത്താന് തീരുമാനിച്ചിരിക്കുകയായിരുന്നു. അതിനിടെയാണ് രാജേന്ദ്രന് മരണപ്പെട്ടത്. ഇതേത്തുടര്ന്നാണ് അച്ഛന്റെ ആഗ്രഹം നിറവേറ്റാന് സംസ്കാരത്തിന് മുന്നേ തന്നെ കല്യാണം നടത്താന് പ്രവീണ് തീരുമാനിച്ചത്.
