തിരുവനന്തപുരം: ഹോസ്റ്റല് വിദ്യാര്ത്ഥികള്ക്ക് മുന്നില് നഗ്നതാ പ്രദര്ശനം നടത്തിയ കേസില് ഒരാള് പിടിയില്. തിരുവനന്തപുരം കടകംപ്പള്ളി സ്വദേശി പ്രകാശനെയാണ് മ്യൂസിയം പോലീസ് അറസ്റ്റ് ചെയ്തത്. അതേസമയം കഴിഞ്ഞ ദിവസവും തലസ്ഥാനത്ത് നിന്ന് സമാന സംഭവത്തില് ഒരാള് പിടിയിലായിരുന്നു. കോട്ടണ്ഹില് പരിസരത്തെ ലേഡീസ് ഹോസ്റ്റലിന് പുറത്ത് നഗ്നതാ പ്രദര്ശം നടത്തിയ വട്ടിയൂര്ക്കാവ് സ്വദേശി മുത്തുരാജാണ് മ്യൂസിയം പോലീസിന്റെ പിടിയിലായത്. ഞായറാഴ്ച രാത്രിയാണ് വനിതാ ഹോസ്റ്റലിന് മുന്നില് ഓട്ടോഡ്രൈവറായ ഇയാള് നഗ്നതാ പ്രദര്ശനം നടത്തിയത്.
അതേസമയം തലസ്ഥാന നഗരിയില് സ്ത്രീകള്ക്ക് നേരെയുണ്ടാകുന്ന ലൈംഗീക അതിക്രമക്കേസുകള് വര്ധിക്കുന്ന സാഹചര്യത്തില് പരിശോധന കര്ശനമാണ്. ഇന്നലെ മാത്രം രണ്ട് പേരാണ് നഗ്നതാപ്രദര്ശനം നടത്തിയതിനും ശുചിമുറിയിലെ ദൃശ്യങ്ങള് പകര്ത്താന് ശ്രമിച്ചതിനുമായി പിടിയിലായത്. ശാസ്തമംഗലം ശ്രീരംഗം ലെയ്നിലെ വീട്ടിലെ ശുചിമുറിയില് നിന്ന് ദൃശ്യങ്ങള് പകര്ത്താന് ശ്രമിച്ച മാര്ത്താണ്ഡം സ്വദേശി മേഴ്സിന് ജോസിനെയാണ് നാട്ടുകാര് പിടികൂടിയത്.
