കോഴിക്കോട്: മോഷ്ടിച്ച സ്കൂട്ടര് വില്ക്കാന് ശ്രമിക്കുന്നതിനിടെ പ്രതി പിടിയില്. കോഴിക്കോട് കൊടുവള്ളിയിലാണ് സംഭവം. സംഭവത്തില് നരിക്കുനി പാറന്നൂര് പുല്പറമ്പില് പുറായില് റാസി യൂനസാണ് (24)ലാണ് പിടിയിലായത്. കൊടുവള്ളി ടൗണിലെ കനാറാ ബാങ്കിനു സമീപം നിര്ത്തിയിട്ടിരുന്ന സ്കൂട്ടര് മോഷ്ടിച്ചു കടത്തുകയായിരുന്നു ഇയാള്. പോലീസ് പിടികൂടുമ്പോള് മോഷ്ടിച്ച സ്കൂട്ടര് രൂപമാറ്റം വരുത്തി വ്യാജ നമ്പര് പ്ലേറ്റ് പതിച്ച നിലയിലായിരുന്നു. മോഷണം നടത്തുന്നതിന്റെ സിസിടിവി ദൃശ്യങ്ങള് അന്വേഷണ സംഘം വിശദമായി പരിശോധിച്ചതിന്റെ അടിസ്ഥാനത്തിലാണ് പ്രതിയെ തിരിച്ചറിഞ്ഞത്.
ഈ മാസം 11ന് രാവിലെ ജോലിക്കു പോകുന്ന സമയം ഉടമസ്ഥന് കനാറ ബാങ്കിനു സമീപം പാര്ക്ക് ചെയ്തുപോയ സ്കൂട്ടര് വൈകുന്നേരം ജോലികഴിഞ്ഞു മടങ്ങിയെത്തിയപ്പോള് കാണാതാവുകയായിരുന്നു. തുടര്ന്ന് ഇയാള് പോലീസില് പരാതി നല്കുകയായിരുന്നു. കൊടുവള്ളി ഇന്സ്പെക്ടര് പി.ചന്ദ്രമോഹന്റെ നിര്ദേശപ്രകാരം അന്വേഷണ സംഘം നടത്തിയ പഴുതടച്ച നീക്കത്തിലൂടെയാണ് പ്രതിയെ പിടികൂടിയത്.
