കലഞ്ഞൂര് : കലഞ്ഞൂര് വലിയ പള്ളിക്ക് സമീപം ഇന്ന് നടന്ന വാഹനാപകടത്തില് ഗുരുതരമായി പരിക്കേറ്റയാള് മരിച്ചു. കലഞ്ഞൂരില് താമസക്കാരനായ കൊടുമണ് എസ്റ്റേറ്റ് ജീവനക്കാരന് അജി(65) ആണ് മരിച്ചത്. ഇടറോഡില് നിന്നും പുനലൂര് – മൂവാറ്റുപുഴ സംസ്ഥാന പാതയിലേക്ക് ഇറങ്ങി വന്ന അജിയുടെ സ്കൂട്ടര് പത്തനംതിട്ട ഭാഗത്തേക്ക് വന്ന ടെമ്പോ ട്രാവലറില് ഇടിക്കുകയായിരുന്നു. അപകടത്തില് വാനിന് അടിയിലേക്ക് ഇടിച്ച് കയറിയ സ്കൂട്ടര് പൂര്ണ്ണമായി തകരുകയും അജിയുടെ തലയ്ക്കും മുഖത്തും ഗുരുതരമായി പരിക്കേല്ക്കുകയും ചെയ്തിരുന്നു. അബോധാവസ്ഥയിലായ അജിയെ കോന്നി താലൂക്ക് ആശുപത്രിയില് എത്തിച്ചുവെങ്കിലും ജീവന് രക്ഷിക്കാനായില്ല. കൂടല് പോലീസ് നടപടികള് സ്വീകരിച്ചു. മൃതദേഹം പോസ്റ്റ്മോര്ട്ടം നടപടികള്ക്ക് ശേഷം ബന്ധുക്കള്ക്ക് വിട്ടുനല്കും.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
