നെടുമങ്ങാട്: നദിയില് കുളിക്കാനിറങ്ങിയ യുവാവിനെ കാണാതായി. ചെറുവാളം ആനകുളത്ത് സിനോയ് (41) ആണ് കാണാതായത്. നെടുമങ്ങാട് കോടതിയിലെ അഭിഭാഷകനാണ്. ഇന്ന് ഉച്ചക്ക് 12.30 ന് കുളിയ്ക്കാന് ആറ്റില് ഇറങ്ങിയതെന്ന് ബന്ധുക്കള് പറഞ്ഞു. ഉച്ച സമയത്ത് പാലോട് മീന് മൂട്ടില് ചെറിയ ഡാം തുറന്നിരുന്നു. അതുമായി ബന്ധപ്പെട്ട് ആറ്റില് ജലനിരപ്പ് ഉയര്ന്നിരുന്നു. സിനോയ് നീന്തി കുളിക്കുന്നത് കണ്ടതായും രണ്ടു പേര് മൊഴി നല്കി. തുടര്ന്ന് നടത്തിയ അന്വേഷണത്തില് കരയില് വസ്ത്രങ്ങള്, ചെരിപ്പ് ഫോണ് കണ്ടെത്തി. പാലോട് പോലീസ് സ്ഥലത്ത് എത്തി നാട്ടുക്കാരുടെ നേതൃത്വത്തില് തിരച്ചില് തുടരുന്നു
