കായംകുളം : ലോട്ടറി കച്ചവടക്കാരനെ വടിവാള് കാട്ടി ഭീഷണിപ്പെടുത്തി പണം തട്ടിയ കേസിലെ രണ്ടാം പ്രതിയും പിടിയില്. കുപ്രസിദ്ധ മോഷ്ടാവായ പെരിങ്ങാല മാരൂത്തറ പടീറ്റതില് അന്വര്ഷായാണ് (22) പിടിയിലായത്. കഴിഞ്ഞ 27 ന് കായംകുളം ബിവറേജ് ഷോപ്പിന് മുന്പില് വെച്ചാണ് ലോട്ടറി കച്ചവടക്കാരനെ വടിവാള് കാണിച്ച് ഭീഷണിപ്പെടുത്തി പണം തട്ടിയെടുത്തത്. നിലവില് കൃഷ്ണപുരം വില്ലേജില് കൃഷ്ണപുരം മുറിയില് ആഞ്ഞിലിമൂട്ടില് കിഴക്കതില് വീട്ടിലാണ് താമസം. കേസിലെ ഒന്നാം പ്രതിയും കുപ്രസിദ്ധ ഗുണ്ടയുമായ അമ്പാടിയെ നേരത്തേ അറസ്റ്റ് ചെയ്തിരുന്നു.
അന്വര്ഷാ കായംകുളം പോലീസ് സ്റ്റേഷനില് ബൈക്ക് മോഷണ കേസിലും ഹരിപ്പാട് പോലീസ് സ്റ്റേഷനില് മാല പൊട്ടിക്കല് കേസിലും പ്രതിയാണ്. കായംകുളം സി.ഐ മുഹമ്മദ് ഷാഫിയുടെ നേതൃത്വത്തില് എസ് ഐ . ഉദയകുമാര് പോലീസുകാരായ ഷാജഹാന്, വിഷ്ണു, ദീപക്, അനീഷ് എന്നിവരടങ്ങിയ സംഘമാണ് ഇയാളെ അറസ്റ്റ് ചെയ്തത്.
