കൊട്ടാരക്കര : വസ്തു വിഷയത്തില് നല്കിയ പരാതിയില് അധികൃതര് നടപടി സ്വീകരിക്കുന്നില്ലെന്ന് ആരോപിച്ച് മേലില പഞ്ചായത്ത് ഓഫിസിന് മുന്നില് മധ്യവയസ്കന് ആത്മഹത്യക്ക് ശ്രമിച്ചു. വെള്ളിയാഴ്ച രാവിലെ 6.30 ഓടെ മേലില പഞ്ചായത്ത് ഓഫിസിന്റെ മുന്നിലായിരുന്നു സംഭവം. ചെമ്മങ്ങനാട് മുളക്കലഴികത്ത് വീട്ടില് വിജോയ് (48) യെ ആണ് കൈ ഞരമ്പ് മുറിച്ചനിലയില് പഞ്ചായത്തിന് മുന്നില് കണ്ടത്. നാട്ടുകാരും കൊട്ടാരക്കര പോലീസും എത്തി ഇയാളെ സ്വകാര്യ ആശുപത്രിയിലും തുടര്ന്ന് താലൂക്ക് ആശുപത്രിയിലും പ്രവേശിപ്പിച്ചു.
2018ല് വിജോയ്യുടെ വസ്തുവിന്റെ കുറച്ച് ഭാഗം അയല്വാസിക്ക് വിറ്റിരുന്നു. വില്പന നടത്തിയ വസ്തുവില് ഉടമ അനധികൃതമായി മണ്ണെടുപ്പ് നടത്തുന്നതായും തന്റെ ബാക്കി വസ്തുവിനെ ബാധിക്കുന്നതായും ആരോപിച്ച് വിജോയ് റവന്യൂ അധികൃതര്ക്കും പഞ്ചായത്തിനും പരാതി നല്കി. ഇതിന് നടപടി ഉണ്ടായില്ല എന്നാണ് ആരോപണം. പരാതിയില് പഞ്ചായത്ത് അധികൃതര് സ്ഥലം നേരില് കണ്ട ശേഷം ആര്.ഡി.ഒക്കും മൈനിങ് ആന്ഡ് ജിയോളജി വകുപ്പിനും റിപ്പോര്ട്ട് നല്കിയെന്നാണ് അധികൃതര് നല്കുന്ന വിശദീകരണം.
