കോതമംഗലം : നെല്ലിക്കുഴിയില് ബി.ഡി.എസ് വിദ്യാര്ഥിനി മാനസയെ വെടിവച്ചുകൊന്ന കേസില് തോക്ക് കൈമാറിയതിന് അറസ്റ്റിലായ ബിഹാര് സ്വദേശികളായ രണ്ട് പ്രതികളെ പോലീസ് കസ്റ്റഡിയില് വിട്ടു. രഖിലിന് തോക്ക് നല്കിയ സോനു കുമാര്, ഇടനിലക്കാരന് മനീഷ് കുമാര് വര്മ എന്നിവരെയാണ് കോതമംഗലം കോടതി പോലീസ് കസ്റ്റഡിയില് വിട്ടത്. എട്ട് ദിവസത്തേക്കാണ് കസ്റ്റഡി അനുവദിച്ചിരിക്കുന്നത്. ഇവരെ പൊലീസ് വിശദമായി ചോദ്യം ചെയ്യും.
രഖിലിന്റെ സുഹൃത്തുക്കളില്നിന്ന് വിവരങ്ങള് ശേഖരിച്ചിട്ടുണ്ട്. ഇതിന്റെകൂടി അടിസ്ഥാനത്തിലാകും ചോദ്യം ചെയ്യുക. കോതമംഗലം എസ്.ഐ മാഹിെന്റ നേതൃത്വത്തിലെ സംഘം ബിഹാര് പോലീസിെന്റ സഹായത്തോടെയാണ് ഇവരെ പിടികൂടിയത്. കേരളത്തില് ഇവരുടെ നേതൃത്വത്തില് വേറെയും തോക്കുകള് വിറ്റിട്ടുണ്ടോ എന്നും മറ്റ് കുറ്റകൃത്യങ്ങള്ക്ക് കാരണമായ തോക്കുകള് ഇവര് വിതരണം ചെയ്തിട്ടുണ്ടോയെന്നും അന്വേഷിക്കുന്നുണ്ട്. ആവശ്യമെങ്കില് പ്രതികളെ ബിഹാറില് എത്തിച്ചും കൂടുതല് തെളിവുകള് ശേഖരിക്കുമെന്ന് അന്വേഷണ ഉദ്യോഗസ്ഥര് അറിയിച്ചു.
രഖില് ഉപയോഗിച്ച തോക്ക് ഹൈദരാബാദിലെ ഫോറന്സിക് ലാബില് പരിശോധനക്ക് അയച്ചിരുന്നു. തോക്കിലെ വിരലടയാളം രഖിലിന്റേതുതന്നെയാണെന്ന് തെളിയിക്കാനുള്ള ഹാന്ഡ് വാഷ് പരിശോധനക്കാണ് വിധേയമാക്കുക. ജൂലൈ 30നാണ് നെല്ലിക്കുഴിയില് ഡെന്റല് കോളജ് വിദ്യാര്ഥിനിയായ മാനസയെ രഖില് വെടിവെച്ച് കൊന്നത്. മാനസയെ കൊലപ്പെടുത്തിയ ശേഷം രഖില് ആത്മഹത്യ ചെയ്തിരുന്നു.