മലപ്പുറം : മഞ്ചേരി ടൗണിൽ വില്പന നടത്തുന്നതിനായി കൊണ്ടുവന്ന എംഡിഎംഎയും കഞ്ചാവുമായി രണ്ട് പേരെ മഞ്ചേരി പോലീസ് അറസ്റ്റ് ചെയ്തു. മഞ്ചേരി മംഗലശ്ശേരി സ്വദേശി വട്ടപ്പറമ്പിൽ ഷൗക്കത്തലിയുടെ മകൻ റഫീക്ക് (വയസ്സ് 35), മലപ്പുറം വള്ളിക്കാപറ്റ സ്വദേശി വടക്കുപുറത്ത് വീട്ടിൽ ഉമ്മറിന്റെ മകൻ മുഹമ്മദ് അഷ്റഫ് (വയസ്സ് 33) എന്നിവരെയാണ് മഞ്ചേരി ഇന്ത്യൻ മാളിന് സമീപത്തെ ലോഡ്ജിൽ വെച്ച് പോലീസ് അറസ്റ്റ് ചെയ്തത്.
ഇവരിൽ നിന്നും 70 ഗ്രാം എംഡിഎംഎ, 60 ഗ്രാം കഞ്ചാവ് എന്നിവ പിടിച്ചെടുത്തു. പ്രതികളുടെ മുറിയിൽ മയക്കുമരുന്നുകൾ ഉപയോഗിക്കാനുള്ള ഉപകരണങ്ങളും ചില്ലറ കച്ചവടത്തിനുള്ള പാക്കിംഗ് മെറ്റീരിയലുകളും കണ്ടെത്തിയിട്ടുണ്ട്. മഞ്ചേരി പോലീസ് കേസ് രജിസ്റ്റര് ചെയ്തു.
