റാന്നി: മംഗളം ദിനപ്പത്രം റാന്നി ലേഖകനും നാരങ്ങാനം നോര്ത്ത് പോസ്റ്റ് ഓഫീസ് ജീവനക്കാരനുമായിരുന്ന വാളിയ്ക്കല് വി.കെ സുരേഷ് (60) നിര്യാതനായി. ഇന്നലെ രാത്രി 11 മണിയോടെയുണ്ടായ ഹൃദയാഘാതം മൂലമാണ് മരണം. റാന്നി തോട്ടമണ്ണിൽ കുടുംബ വീട്ടിലാണ് സുരേഷ് താമസിച്ചിരുന്നത്. റാന്നിയിൽ മാധ്യമരംഗത്ത് വളരെ നാളുകളായി പ്രവർത്തിച്ചിരുന്നു. പോസ്റ്റൽ സർവീസിലും ജോലി ചെയ്യുന്നുണ്ടായിരുന്നു. പോസ്റ്റൽ ഇൻഷറൻസ് രംഗത്ത് നാരങ്ങാനം പഞ്ചായത്തിൽ എല്ലാ വീടുകളിലും ആരോഗ്യ ഇൻഷുറൻസ് നൽകിയ കേരളത്തിലെ തന്നെ മാതൃകാ പോസ്റ്റൽ ജീവനക്കാരനായിരുന്നു സുരേഷ്. വളരെയധികം പുരസ്കാരങ്ങൾ സുരേഷിന് ലഭിച്ചിട്ടുണ്ട്. സംസ്കാരം ഞായറാഴ്ച പകൽ 3 മണിക്ക് വീട്ടുവളപ്പിൽ. മൃതദേഹം ഞായറാഴ്ച രാവിലെ 9 മുതൽ 10 വരെ നാരങ്ങാനം പോസ്റ്റ് ഓഫീസിന് സമീപം പൊതുദര്ശനത്തിന് വെയ്ക്കും. അവിവാഹിതനാണ് സുരേഷ്. സഹോദരങ്ങൾ – വി കെ രാജഗോപാൽ, വി കെ കൃഷ്ണകുമാരി, വി കെ ശശികല, പരേതയായ വി.സി ശാന്തകുമാരി.
പത്തനംതിട്ട മീഡിയ ആപ്പ് ലോഞ്ച് ചെയ്തു – പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
വാര്ത്തകള് ക്ഷണനേരം കൊണ്ട് ലോഡാകുവാന് ഏറ്റവും പുതിയ സാങ്കേതികവിദ്യയാണ് ഉപയോഗിച്ചിരിക്കുന്നത്. മറ്റു വാര്ത്താ ആപ്പുകളില് നിന്നും തികച്ചും വ്യത്യസ്തമാണ് പത്തനംതിട്ട മീഡിയയുടെ ആപ്പ്. ഏതൊക്കെ കാറ്റഗറിയിലുള്ള വാര്ത്തകള് തങ്ങള്ക്കു വേണമെന്ന് ഓരോ വായനക്കാര്ക്കും തീരുമാനിക്കാം. ഒരു ദിവസത്തെ വാര്ത്തകള് മാത്രം കാണുന്നതിനും സാധിക്കും. കൂടാതെ ഫെയ്സ് ബുക്ക്, വാട്സ് ആപ്പ് തുടങ്ങിയ സോഷ്യല് മീഡിയാകളിലേക്ക് വാര്ത്തകള് അതിവേഗം ഷെയര് ചെയ്യാനും സാധിക്കും. അരോചകമായ പരസ്യങ്ങള് ഉണ്ടാകില്ല. ഇന്റര്നെറ്റിന്റെ പോരായ്മകള് ആപ്പിന്റെ പ്രവര്ത്തനത്തെ ബാധിക്കില്ല. തികച്ചും സൌജന്യമായാണ് വാര്ത്തകള് ലഭിക്കുന്നത്.
