പത്തനംതിട്ട: ഷാരോണിന്റ മരണവാര്ത്തയില് വിഷ്ണുപ്രീയയയുടെയും ശ്യാം ജിത്തിന്റെയും ചിത്രം വെച്ച് പത്തനംതിട്ടയിലെ മാധ്യമപ്രവര്ത്തകന്റെ വാര്ത്ത വിവാദത്തിലേക്ക്. പാറശ്ശാലയില് സുഹൃത്തായ യുവാവിനെ കഷായത്തില് വിഷം ചേര്ത്ത് നല്കി കൊലപ്പെടുത്തിയ സംഭവത്തിന്റെ വാര്ത്തയിലാണ് പത്തനംതിട്ടയിലെ മംഗളം പത്രത്തിന്റെ ജില്ലാ ലേഖകന്റെ സ്വന്തം സോഷ്യല് മീഡിയ ചാനലായ ട്രൂവാര്ത്തയില് ചിത്രം പുറത്തിയറക്കിയിരിക്കുന്നത്.
ട്രൂ വാര്ത്ത നല്കിയിരിക്കുന്ന വാര്ത്ത ഇങ്ങനെ
“കഷായത്തില് തുരിശടിച്ചു കൊടുത്തു: ആന്തരികാവയങ്ങളില് പ്രതിപ്രവര്ത്തനം നടന്ന് ഷാരോണ് മരിച്ചു: ഗ്രീഷ്മ പഠിച്ച കള്ളി: മരണകാരണമായ വിഷമേതെന്ന് അറിയാന് രാസപരിശോധനാ ഫലം വരണം”
തിരുവനന്തപുരം: ഷാരോണ് രാജിനെ ഒഴിവാക്കാന് വേണ്ടിയാണ് വനിതാ സുഹൃത്ത് കൊലപാതകം നടത്തിയതെന്ന് പൊലീസ്. വനിതാ സുഹൃത്തിന് മറ്റൊരു വിവാഹം നിശ്ചയിച്ചിരുന്നു. അതിനാല് ഷാരോണിനെ ഒഴിവാക്കാന് കഷായത്തില് വിഷം കലര്ത്തി നല്കുകയായിരുന്നുവെന്ന് വനിതാ സുഹൃത്ത് ഗ്രീഷ്മയുടെ കുറ്റസമ്മത മൊഴിയില് പറയുന്നതായി പൊലീസ് പറയുന്നു.
കഷായത്തില് കീടനാശിനിയാണ് കലര്ത്തി നല്കിയതെന്നാണ് അന്വേഷണ സംഘം പറയുന്നത്. ഷാരോണിന്റെ ആന്തരിക അവയവങ്ങളില് നിന്ന് കോപ്പര് സള്ഫേറ്റിന്റെ അംശം കണ്ടെത്തിയിട്ടുണ്ട്. തുരിശ് കാരണമാണോ ഷാരോണിന് മരണം സംഭവിച്ചത് എന്ന കാര്യത്തില് ശാസ്ത്രീയ പരിശോധനയ്ക്ക് ശേഷം മാത്രമേ വ്യക്തത വരികയുള്ളൂവെന്നും പൊലീസ് പറയുന്നു.
ഇന്ന് എട്ടുമണിക്കൂര് നേരം നടത്തിയ ചോദ്യം ചെയ്യലിന് ഒടുവിലാണ് ഗ്രീഷ്മ കുറ്റം സമ്മതിച്ചത്. ചോദ്യം ചെയ്യലിനിടെ വനിതാ സുഹൃത്തിന്റെ മൊഴിയില് വൈരുധ്യങ്ങള് കണ്ടെത്തിയിരുന്നു. തുടര്ന്ന് വിശദമായി ചോദ്യം ചെയ്തപ്പോഴാണ് കുറ്റം സമ്മതിച്ചതെന്ന് പൊലീസ് പറയുന്നു ശാസ്ത്രീയ പരിശോധനയ്ക്ക് ശേഷം മാത്രമേ കൊലപാതകത്തില് സ്ഥിരീകരണം ലഭിക്കുകയുള്ളൂവെന്നും പൊലീസ് പറയുന്നു
വനിതാ സുഹൃത്തിന്റെ വീട്ടില്നിന്ന് 14നാണ് ഷാരോണ് കഷായവും ജൂസും കുടിക്കുന്നത്. അന്നു രാത്രി ആശുപത്രിയില് ചികിത്സ തേടി. ആന്തരിക അവയവങ്ങളുടെ പ്രവര്ത്തനം തകരാറിലായി 25നാണ് മരണം സംഭവിച്ചത്. പെണ്കുട്ടിയുടെ വീട്ടുകാര് പാനീയത്തില് ആഡിഡ് ചേര്ത്തു നല്കി എന്നതാണ് കുടുംബത്തിന്റെ ആരോപണം.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 94473 66263 /0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
