ദില്ലി: മണിപ്പൂര് സംഘര്ഷത്തില് കേന്ദ്രസര്ക്കാരിനെതിരെ രൂക്ഷ വിമര്ശനവുമായി കോണ്ഗ്രസ് ജനറല് സെക്രട്ടറി ജയറാം രമേശ്. മണിപ്പൂര് വിഷയത്തില് പ്രധാനമന്ത്രി നരേന്ദ്രമോദി എന്ന് നടപടിയെടുക്കുമെന്നും അദ്ദേഹം ചോദിച്ചു. സംസ്ഥാനത്തെയും കേന്ദ്രത്തിലെയും ബിജെപി സര്ക്കാരുകള്ക്കിടയില് അവിശ്വാസം വര്ദ്ധിച്ചുവരികയാണെന്നും അദ്ദേഹം ആരോപിച്ചു.
മണിപ്പൂരില് ഭരണഘടനാ സംവിധാനം തകര്ച്ച നേരിടുകയാണെന്നും ജയറാം രമേശ് പറഞ്ഞു. അസം റൈഫിള്സിനെതിരെ മണിപ്പൂര് പോലീസ് എഫ്ഐആര് ഫയല് ചെയ്തതിന് പിന്നാലെയാണ് അദ്ദേഹത്തിന്റെ പ്രസ്താവന. ‘ഇതാണ് അസം റൈഫിള്സിനെതിരെ മണിപ്പൂര് പോലീസ് ഫയല് ചെയ്ത എഫ്ഐആര്. സംസ്ഥാനത്തെ ബിജെപി സര്ക്കാരും കേന്ദ്രത്തിലെ ബിജെപി സര്ക്കാരും തമ്മില് അവിശ്വാസം വളരുകയാണ് എന്നതാണ് മണിപ്പൂര് മുഖ്യമന്ത്രിയുടെയും അദ്ദേഹത്തിന്റെ അനുയായികളുടെയും വാക്കുകളില് നിന്ന് വ്യക്തമാകുന്നത് . ഇത് ഭരണഘടനാ സംവിധാനത്തിന്റെ തകര്ച്ചയല്ലേ? മണിപ്പൂര് വോട്ട് ചെയ്ത ഇരട്ട എന്ജിന്റെ ഭരണമാണോ ഇത്’ രമേഷ് ട്വിറ്ററില് ചോദിച്ചു.
