ഇംഫാല്: മണിപ്പൂരില് കലാപകാരികളെ വെടിവെക്കാന് ഉത്തരവ്. സംസ്ഥാന സര്ക്കാറിന്റെ നിര്ദേശം അനുസരിച്ചാണ് ഗവര്ണറുടെ ഉത്തരവ്. ഗുരുതരമായ സാഹചര്യങ്ങളില് വെടിവെപ്പ് നടത്താമെന്നാണ് ഉത്തരവ്.ജില്ലാ മജിസ്ട്രേറ്റുമാര്, സബ് ഡിവിഷണല് മജിസ്ട്രേറ്റ്, എക്സിക്യൂട്ടീവ് മജിസ്ട്രേറ്റ്, സ്പെഷ്യല്എക്സിക്യൂട്ടീവ് മജിസ്ട്രേറ്റ് എന്നിവര്ക്കാണ് നിര്ദേശം. പട്ടിക വര്ഗ പദവി നല്കുന്നത് സംബന്ധിച്ച് ആദിവാസി വിഭാഗം നടത്തിയ പ്രതിഷേധമാണ് സംഘര്ഷത്തില് കലാശിച്ചിരിക്കുന്നത്.
ആദിവാസി ഇതര വിഭാഗമായ മെയ്തേയി വിഭാഗത്തിന് പട്ടിക വര്ഗ പദവി വേണമെന്ന് ആവശ്യത്തിനെതിരെയാണ് ആദിവാസി വിഭാഗം പ്രതിഷേധിച്ചത്. സംഘര്ഷം രൂക്ഷമായതിനെ തുടര്ന്ന് മണിപ്പൂരിലെ എട്ടു ജില്ലകളില് കര്ഫ്യൂ പ്രഖ്യാപിച്ചു. സംസ്ഥാനത്ത് അടുത്ത അഞ്ചു ദിവസത്തേക്ക് മൊബൈല് ഇന്റര്നെറ്റ് സേവനങ്ങള് നിരോധിച്ചു.