തിരുവനന്തപുരം: ബി ജെ പി സംസ്ഥാന അധ്യക്ഷന് പ്രതിയായ മഞ്ചേശ്വരം തെരഞ്ഞെടുപ്പ് കോഴക്കേസില് അവരുടെ ജാമ്യഹര്ജിയെ പ്രോസിക്യൂഷന് എതിര്ക്കാതിരുന്നത് ബി ജെ പി – സി പി എം ബന്ധത്തെ വീണ്ടും അരക്കിട്ടുറപ്പിക്കുന്നെന്ന് കെ പി സി സി പ്രസിഡന്റ് കെ സുധാകരന് എം പി. മുഖ്യമന്ത്രിയുടെ വ്യക്തമായ നിര്ദേശം ഇല്ലാതെ പ്രോസിക്യൂഷന് ഈ നിലപാട് സ്വീകരിക്കില്ല. ജാമ്യഹര്ജിയെ സര്ക്കാര് എതിര്ത്തിരുന്നെങ്കില് അത് ബി ജെ പിക്ക് വലിയ തിരിച്ചടി ആകുമായിരുന്നു എന്നും സുധാകരൻ അഭിപ്രായപ്പെട്ടു.
കൊടകര കുഴല്പ്പണക്കേസും മഞ്ചേശ്വരം തെരഞ്ഞെടുപ്പ് കോഴക്കേസും ശരിയായ ദിശയില് അന്വേഷിച്ചിച്ചിരുന്നെങ്കില് ബി ജെ പിയെ കേരളത്തില്നിന്നു കെട്ടുകെട്ടിക്കാമായിരുന്നു. രണ്ടു കേസുകളിലും കാട്ടിയ അലംഭാവം ബി ജെ പിക്കു രക്ഷപ്പെടാന് പഴുതുകള് ഉണ്ടാക്കിക്കൊടുത്തു. ബി ജെ പി നേതാക്കള് പ്രതിക്കൂട്ടിലായ കൊടകര കുഴല്പ്പണക്കേസ് സംസ്ഥാന പോലീസ് അന്വേഷിച്ച ശേഷം ഇഡിയുടെ അന്വേഷണത്തിന് ശുപാര്ശ ചെയ്തിട്ടും ഇതുവരെ നടപ്പായില്ല. കുഴല്പ്പണക്കേസ് ഇ ഡിക്ക് വിടാത്തത് ബി ജെ പി – സി പി എം ബന്ധത്തിലെ വേറൊരു അധ്യായമാണ്. പ്രത്യുപകാരമായി മുഖ്യമന്ത്രിക്കെതിരായ സ്വര്ണക്കടത്തുകേസ്, ലൈഫ് മിഷന് കേസ് തുടങ്ങിയവയില് കേന്ദ്ര അന്വേഷണ ഏജന്സികളുടെ അന്വേഷണം കേന്ദ്ര സര്ക്കാരും മരവിപ്പിച്ചതായി കെ പി സി സി പ്രസിഡന്റ് അഭിപ്രായപ്പെട്ടു.
ബി ജെ പി സഖ്യത്തിലേര്പ്പെട്ട ജനതാദള് ദേശീയ പ്രസിഡന്റ് എച്ച് ഡി ദേവഗൗഡയും മുന് മുഖ്യമന്ത്രിയും മകനുമായ കുമാരസ്വാമിയും പിണറായി വിജയന്റെ ആശീര്വാദവും അനുഗ്രഹവും തങ്ങള്ക്കൊപ്പമാണെന്ന് തുറഞ്ഞു പറഞ്ഞ് അദ്ദേഹത്തിന്റെ പൊയ്മുഖം ചീന്തിയെറിഞ്ഞു. ബി ജെ പി സഖ്യമുള്ള ജനതാദളിനെ ഇടതുമുന്നണിയില് നിന്നും മന്ത്രിസഭയില്നിന്നും പുറത്താക്കാന് പിണറായി വിജയന്റെ മുട്ടിടിക്കും. ബി ജെ പിക്ക് മനസാ വാചാ കര്മണാ ദോഷം ഉണ്ടാകുന്ന ഒരു പ്രവര്ത്തിയും കേരള മുഖ്യമന്ത്രിയില് നിന്ന് പ്രതീക്ഷിക്കേണ്ടെന്നു സുധാകരന് ചൂണ്ടിക്കാട്ടി.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
