കോന്നി : സൗരോര്ജ്ജ വേലി സ്ഥാപിച്ചതില് മണ്ണീറയില് പ്രവർത്തിക്കുന്ന കൊക്കാത്തോട് ഫോറസ്റ്റ് സ്റ്റേഷനിലെ ഫോറസ്റ്റ് ഡെപ്യുട്ടി റേഞ്ച് ഓഫീസര് അഴിമതി നടത്തിയെന്ന് ആരോപിച്ചും വനമേഖലയോട് ചേർന്ന് കിടക്കുന്ന ജനവാസ മേഖലയിൽ വന്യമൃഗങ്ങള് തകര്ത്ത സൗരോർജ വേലികൾ പുനഃസ്ഥാപിക്കാത്തതിലും പ്രതിഷേധിച്ച് സി.പി.ഐ മണ്ണീറ ബ്രാഞ്ച് കമ്മറ്റിയുടെ നേതൃത്വത്തിൽ മണ്ണീറയിലെ ഫോറസ്റ്റ് സ്റ്റേഷനിലേക്ക് നാളെ മാർച്ചും ധർണയും നടത്തുന്നു.
മാർച്ചും ധർണ്ണയും വെള്ളിയാഴ്ച രാവിലെ 10ന് സി.പി.ഐ സംസ്ഥാന കൗൺസിൽ അംഗം പി.ആർ ഗോപിനാഥൻ ഉത്ഘാടനം ചെയ്യും. ലക്ഷങ്ങൾ മുടക്കി വനംവകുപ്പ് സ്ഥാപിച്ച സൗരോർജ വേലികൾ ശരിയായ രീതിയിൽ അറ്റകുറ്റപ്പണികൾ നടത്താതെ വന് തുക ബില്ലെഴുതി എടുക്കുകയാണ്. അറ്റകുറ്റപ്പണികളുടെ പേരില് വന് അഴിമതിയാണ് നടക്കുന്നതെന്ന് സി.പി.ഐ മണ്ണീറ ബ്രാഞ്ച് കമ്മറ്റി ആരോപിച്ചു.