കൊച്ചി: തൃപ്പൂണിത്തുറയില് പോലീസ് കസ്റ്റഡിയില് കുഴഞ്ഞുവീണു മരിച്ച ഇരുമ്പനം സ്വദേശി മനോഹരന്റെ മരണ കാരണം ഹൃദയാഘാതമെന്ന് പോസ്റ്റ്മോര്ട്ടം റിപ്പോര്ട്ട്. തൃശൂര് മെഡിക്കല് കോളജ് ആശുപത്രിയില് നടന്ന പോസ്റ്റ്മോര്ട്ടത്തിലാണ് മരണകാരണം വ്യക്തമായത്. ശരീരത്തില് മര്ദ്ദനമേറ്റതിന്റെ പാടുകളില്ല. ഹൃദ്രോഗത്തിന്റെ ലക്ഷണങ്ങള് ഉണ്ടായിരുന്നതായാണ് പോസ്റ്റ്മോര്ട്ടത്തില് നിന്ന് ലഭിക്കുന്ന സൂചന. ആന്തരിക അവയവങ്ങള് പരിശോധനയ്ക്കായി അയച്ചിരിക്കുകയാണ്. അതേസമയം മനോഹരന്റെ മരണത്തില് കേസെടുത്ത് മനുഷ്യാവകാശ കമ്മീഷന്. അന്വേഷണം നടത്തി റിപ്പോര്ട്ട് സമര്പ്പിക്കാനാണ് കൊച്ചി കമ്മീഷണര്ക്ക് കമ്മീഷന്റെ നിര്ദേശം.
ഹില്പാലസ് സ്റ്റേഷനില് കുഴഞ്ഞ് വീണതിനെ തുടര്ന്ന് ഇരുമ്പനം സ്വദേശി മനോഹരന് മരിച്ചത്. മനോഹരന്റേത് കസ്റ്റഡി മരണമാണെന്ന് ആരോപിച്ച് ഹില് പാലസ് സ്റ്റേഷനില് ബന്ധുക്കളും നാട്ടുകാരും പ്രതിഷേധം തുടരുകയാണ്. ജനകീയ സമര സമിതിയാണ് പ്രതിഷേധത്തിന് നേതൃത്വം നല്കുന്നത്. സമരസമിതി പ്രവര്ത്തകര് സ്റ്റേഷനിലേക്ക് തള്ളിക്കയറാന് ശ്രമിച്ചു. സ്റ്റേഷനുമുന്നില് കോലം കത്തിച്ചും പ്രതിഷേധിച്ചു. ഡിസിസി പ്രസിഡന്റ് മുഹമ്മദ് ഷിയാസും ഹില് പാലസ് സ്റ്റേഷനില് സമരക്കാര്ക്കുണ്ട്.