റാഞ്ചി: ഝാര്ഖണ്ഡില് മാവോയിസ്റ്റ് വേട്ടയ്ക്കിടെയുണ്ടായ സ്ഫോടനത്തില് രണ്ട് ജവാന്മാര്ക്ക് വീരമൃത്യു. പശ്ചിമ സിംഗ്ഭുമില് ഹോയഹത്തു വനമേഖലയിലുണ്ടായ സ്ഫോടനത്തിലാണ് മാവോയിസ്റ്റുകളെ പിടികൂടാനായി രൂപീകരിച്ച പ്രത്യേകസംഘമായ ജാര്ഖണ്ഡ് ജാഗ്വാറിലെ രണ്ട് ജവാന്മാര്ക്ക് ജീവന് നഷ്ടമായത്.
ഒരു സി.ആര്.പി.എഫ് ജവാന് ഉള്പ്പടെ ആറ് പേര്ക്ക് പരിക്കേറ്റതായി അഡീഷണല് ഡി.ജി നവീന് കുമാര് സിങ്ങ് അറിയിച്ചു. പ്രദേശത്ത് മാവോയിസ്റ്റുകള്ക്ക് വേണ്ടിയുള്ള തെരച്ചില് തുടരുന്നതിനിടെയാണ് സ്ഫോടനം നടന്നതെന്ന് ഝാര്ഖണ്ഡ് പോലീസ് അറിയിച്ചു.
