ഇരിട്ടി: വോട്ടു ബഹിഷ്‌കരണ ആഹ്വാനവുമായി മുഴക്കുന്നിൽ മാവോവാദി പോസ്റ്ററുകൾ. സി.പി.ഐ മാവോയിസ്റ്റ് കബനിദളം എന്ന പേരിൽ മുഴക്കുന്ന് ഗവ. യു.പി സ്‌കൂൾ പ്രധാന ഗേറ്റിന് മുന്നിലാണ് പോസ്റ്ററുകൾ പ്രത്യക്ഷപ്പെട്ടത്. നാട്ടുകാരുടെ ശ്രദ്ധയിൽപ്പെട്ട പോസ്റ്റർ ഉടൻ തന്നെ പൊലീസ് എത്തി നീക്കംചെയ്തു. രാജ്യദ്രോഹികളെ ഒറ്റപ്പെടുത്തുക, ഇലക്ഷൻ ബഹിഷ്‌കരിക്കുക, സി.പി.ഐ മാവോയിസ്റ്റ് കബനിദളം എന്ന പേരിലാണ് പോസ്റ്റർ. 69, 70, 71, 72 പോളിങ് ബൂത്തുകളുള്ള സ്‌കൂളിലെ പ്രധാന ഗേറ്റിന് മുന്നിലാണ് പോസ്റ്റർ പതിപ്പിച്ചത്. പോസ്റ്ററിന്റെ ഉറവിടത്തെക്കുറിച്ച് പൊലീസ് അന്വേഷണം തുടങ്ങി.
നിയോജക മണ്ഡലത്തിലെ പ്രശ്‌നസാധ്യത ബൂത്തുകളിൽപെട്ടതാണ് സ്‌കൂളിലെ നാല് പോളിങ് സ്‌റ്റേഷനുകളും. ഇപ്പോൾ മാവോവാദി പോസ്റ്റർ കൂടി പ്രത്യക്ഷപ്പെട്ടതോടെ ബൂത്തിനുള്ള സുരക്ഷ ശക്തമാക്കണമെന്ന് വിവിധ രാഷ്ട്രീയ പാർട്ടികൾ ആവശ്യമുയർത്തിയിട്ടുണ്ട്. കഴിഞ്ഞ ദിവസം വയനാട് കമ്പമലയിൽ ഇറങ്ങിയ നാലുപേർ അടങ്ങിയ മാവോവാദി സംഘം തൊഴിലാളികളോട് വോട്ട് ബഹിഷ്‌കരിക്കാൻ ആവശ്യപ്പെട്ടിരുന്നു. ഇതിന് പിന്നാലെ ഉണ്ടായ പോസ്റ്റർ പ്രചാരണം പൊലീസ് ഗൗരവത്തോടെയാണ് കാണുന്നത്. മുൻ തെരഞ്ഞെടുപ്പുകളിലുണ്ടായ കള്ളവോട്ട് ആരോപണവും സംഘർഷവുമെല്ലാം ഇവിടെ എറെ ചർച്ചയായതുമാണ്.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
