ഡല്ഹി: ഡല്ഹിയില് മാസ്ക് നിര്മ്മാണ യൂണിറ്റിലുണ്ടായ അഗ്നിബാധയില് ഒരാള് മരിച്ചു. മായാപുരിയില് പ്രവര്ത്തിക്കുന്ന മാസ്ക് നിര്മ്മാണ ശാലയില് ഇന്ന് പുലര്ച്ചെയാണ് അപകടം ഉണ്ടായത്. മൂന്ന് പേരെ രക്ഷപെടുത്തിയെങ്കിലും ഒരാള് ആശുപത്രിയില് വെച്ച് മരിച്ചു. നിര്മ്മാണ ശാലയുടെ മൂന്നാം നിലയില് സൂക്ഷിച്ചിരുന്ന അസംസ്കൃത വസ്തുക്കള്ക്ക് തീപിടിച്ചതിനെ തുടര്ന്നാണ് അപകടം ഉണ്ടായതെന്ന് ഡല്ഹി ഫയര് സര്വീസ് (ഡിഎഫ്എസ്) ഓഫീസര് അറിയിച്ചു. ഫാക്ടറിയുടെ വാതില് തകര്ത്താണ് ജുഗല് കിഷോര് ഉള്പ്പടെ മൂന്ന് പേരെ രക്ഷപെടുത്തിയതെന്നും അദ്ദേഹം പറഞ്ഞു.
